ଦୁଇ ଦଫା ଦାବି ନେଇ ପିଇଓମାନଙ୍କ ପକ୍ଷରୁ ରାଜ୍ୟବ୍ୟାପି କାର୍ଯ୍ୟବନ୍ଦ ଆନ୍ଦୋଳନ

ଦଶରଥପୁର(ବଡ଼ ଖବର ବ୍ୟୁରୋ):ଦୁଇ ଦଫା ଦାବି ନେଇ ପିଇଓ ମାନଙ୍କ ପକ୍ଷରୁ ସାରା ରାଜ୍ୟରେ ନିଖିଳ ଉତ୍କଳ ପଞ୍ଚାଯତ ନିର୍ବାହୀ ସଂଘର ଆହ୍ଵାନ କ୍ରମେ କାର୍ଯ୍ୟ ବନ୍ଦ ଆନ୍ଦୋଳନ କରାଯାଇଛି । ଦରମା ବୃଦ୍ଧି ସହିତ କ୍ୟାଡ଼ର ସଂଶୋଧନ ଆଦି ଦାବିରେ ପ୍ରଥମେ କଳାବ୍ୟାଜ ପିନ୍ଧି ପ୍ରତିବାଦ କରିବା ପରେ ଗତ ୧୮ତାରିଖରୁ ଯାଜପୁର ସଂସ୍କୃତି ଭବନ ପରିସରରେ ଗଣଧାରଣାରେ ବସିଛନ୍ତି।

ସରକାର ଦାବି ପୂରଣ ନକରିବା ପର୍ଯ୍ୟନ୍ତ ଧାରଣା ଜାରି ରହିବ ବୋଲି ସଙ୍ଘ ପକ୍ଷରୁ ଚେତାବନୀ ଦିଆଯାଇଛି। ଜିଲ୍ଲାସଙ୍ଘ ପକ୍ଷରୁ ଆରମ୍ଭ ହୋଇଥିବା ଧାରଣାରେ ଜିଲ୍ଲା ସଭାପତି ନିର୍ମଳ ଚନ୍ଦ୍ର ପଣ୍ଡାଙ୍କ ନେତୃତ୍ଵରେ ୧୦ ଟି ବ୍ଲକର ପିଇଓ ମାନେ ଅଂଶଗ୍ରହଣ କରିଛନ୍ତି। ଆସନ୍ତା ୨୩ ତାରିଖରେ ସଂଘ ପକ୍ଷରୁ ଏକ ବିଶାଳ ଶୋଭାଯାତ୍ରା କରାଯାଇ ଶାସନ ସଚିବ ଓ ପଞ୍ଚାୟତ ରାଜ ମନ୍ତ୍ରୀଙ୍କୁ ଭେଟି ଦାବିପତ୍ର ପ୍ରଦାନ କରାଯିବ ବୋଲି ସଂଘର ରାଜ୍ୟ ସଭାପତି ସୁବାସ କର ସୂଚନା ଦେଇଛନ୍ତି।