ଓଡ଼ିଶାରୁ ସମ୍ପୂର୍ଣ୍ଣ ମଦ ବନ୍ଦ କରିବା ଦାବିରେ ଗଣ ଧାରଣା, ମହିଳାଙ୍କୁ ଅସମ୍ମାନ କଲେ ଜିଲ୍ଲାପାଳ

ଜଗତସିଂହପୁର (ବଡ଼ ଖବର ବ୍ୟୁରୋ): ଓଡ଼ିଶାରୁ ସମ୍ପୂର୍ଣ୍ଣ ମଦ ବନ୍ଦ କରିବା ଦାବିରେ ଗଣ ଧାରଣା। ମଦ ମୁକ୍ତ ଗାଁ , ମଦ ମୁକ୍ତ ପଞ୍ଚାୟତ, ମଦ ମୁକ୍ତ ଓଡ଼ିଶା ଦାବି ନେଇ ଜଗତସିଂହପୁର ଜିଲ୍ଲାପାଳଙ୍କ କାର୍ଯ୍ୟାଳୟରେ ମିଳିତ ଓଡ଼ିଶା ନିଶା ନିବାରଣ ଅଭିଯାନ ତରଫରୁ ଧାରଣା। ମଦ ବନ୍ଦ ପାଇଁ ଏକ ସମ୍ମିଳିତ ଦାବିପତ୍ର ଜଗତସିଂହପୁର ଜିଲ୍ଲାପାଳ ଜେ ସୋନାଲ ଦେବାକୁ ଆସିଥିବା ବେଳେ ଜିଲ୍ଲାପାଳ ମହିଳାମାନଙ୍କୁ ଖରାପ ବ୍ୟବହାର କରିବା ନେଇ ଅଭିଯୋଗ ହୋଇଛି। ପ୍ରତିବାଦରେ ମିଳିତ ଓଡ଼ିଶା ନିଶା ନିବାରଣ ଅଭିଯାନ ତରଫରୁ ଜିଲ୍ଲାପାଳଙ୍କ କାର୍ଯ୍ୟାଳୟରେ ଧାରଣା ଓ ବିକ୍ଷୋଭ ପ୍ରଦର୍ଶନ କରାଯାଇଛି।

ମଦ ବନ୍ଦ ପାଇଁ ଦାବିପତ୍ର ଦେବାକୁ ଆସିଥିବା ବେଳେ ମହିଳାମାନଙ୍କୁ ଖରାପ ବ୍ୟବହାର, ବିରକ୍ତି ପ୍ରକାଶ, ମାଆଙ୍କୁ କି ପ୍ରକାର ସମ୍ମାନ ନେଇ ପ୍ରତିବାଦ ଜୋର୍ ଧରିଛି। ଜଣେ ଜିଲ୍ଲାପାଳ କିଭଳି ଭାବରେ ମହିଳାମାନଙ୍କୁ ଅଶାଳୀନ ବ୍ୟବହାର କଲେ ତାକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଛି ମିଳିତ ଓଡ଼ିଶା ନିଶା ନିବାରଣ ଅଭିଯାନ। ଯେ ପର୍ଯ୍ୟାନ୍ତ ଜିଲ୍ଲାପାଳ ଏ ସମ୍ପର୍କରେ ଆଲୋଚନା ସହିତ କ୍ଷମା ପ୍ରାର୍ଥନା କରି ନାହାନ୍ତି ଆନ୍ଦୋଳନ ତୀବ୍ର ହେବ ବୋଲି କହିଛି ମିଳିତ ଓଡ଼ିଶା ନିଶା ନିବାରଣ ଅଭିଯାନ।