ଝାଡ଼ଖଣ୍ଡ ସରକାରଙ୍କ ବଡ଼ ଘୋଷଣା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଝାଡ଼ଖଣ୍ଡ ସରକାର ସରକାରୀ ଚାକିରି କରିବାକୁ ଆଶାୟୀ ଥିବା ଯୁବପୀଢ଼଼ିଙ୍କ ପାଇଁ ଆଣିଛନ୍ତି ନୂଆ ଆଇନ୍ । ଝାଡ଼ଖଣ୍ଡ ସରକାର କହିଛନ୍ତି ଯେଉଁମାନେ ସରକାରୀ ଚାକିରି ପାଇଁ ଆଶୟୀ ଅଛନ୍ତି ସେମାନେ ଚାକିରି ଆବେଦନ କରିବା ସମୟରେ ଏକ ସତ୍ୟପାଠ ଦାଖଲ କରିବାକୁ ପଡ଼ିବ । ଯେଉଁଥିରେ ଲେଖାଥିବ ସେମାନେ ଆଗରୁ କେବେ ତମ୍ବାଖୁ ଖାଉନଥିଲେ କି ଚାକିରି କରିବା ପରେ ମଧ୍ୟ କେବେବି ସମ୍ବାଖୁ ସେବନ କରିବେ ନାହିଁ । ଗତ ମଙ୍ଗଳବାର ଦିନ ରାଞ୍ଚିରେ ଅନୁଷ୍ଠିତ ହୋଇଥିବା ତମ୍ବାଖୁ କଣ୍ଟ୍ରୋଲ ବୈଠକରେ ଏଭଳି ନିଷ୍ପତ୍ତି ନିଆଯାଇଥିଲା ।

ତମ୍ବାଖୁ ଜାତୀୟ ଦ୍ରବ୍ୟ ବିକ୍ରି କରୁଥିବା ଦୋମାନୀମାନେ କୌଣସି ଖାଦ୍ୟ ସମଗ୍ରୀ ବିକ୍ରି କରି ପାରିବେ ନାହିଁ ବୋଲି ଏହି ବୈଠକରେ ନିଷ୍ପତ୍ତି ହୋଇଥିଲା । ଏହି ନିଷ୍ପତ୍ତିକୁ ମନ୍ତ୍ରୀ ଆଲମଗୀରି ଆଲାମ ସ୍ୱାଗତ କରିଛନ୍ତି । ଏବଂ କହିଛନ୍ତି କି ଏହା ଦ୍ୱାରା ଆଗାମୀ ପିଢ଼ୀକୁ ତମ୍ବାଖୁ ଭଳି ମାରାତ୍ମକ ଅଭ୍ୟାସରୁ ମୁକ୍ତ କରାଯାଇ ପାରିବ । ନ୍ୟାସନାଲ ତମ୍ବାଖୁ କଣ୍ଟ୍ରୋଲ ପ୍ରୋଗ୍ରାମର ଝାରଖଣ୍ଡ ରାଜ୍ୟ ନୋଡ଼ାଲ ଅଧିକାରୀ ଏଲ୍ଆର୍ ପାଠକ କହିଛନ୍ତି କି କମିଟି ଏହି ପିଷ୍ପତ୍ତି ନେଇଛି କି ଏହି ଆଇନ୍କୁ ୨୦୨୧ ମସିହା ଏପ୍ରିଲ ମାସରୁ ରାଜ୍ୟରେ ଲାଗୁ କରିବ । ଯଦ୍ୱାରା ଝାଡ଼ଖଣ୍ଡ ସରକାରଙ୍କ ଅଧୀନରେ ଚାକିରି କରିବାକୁ ଥିବା ଆଶାୟୀ ମାନେ ସତ୍ୟପାଠରେ ଉଲ୍ଳେଖ କରିବେ କି ସେମାନେ ପୂର୍ବରୁ କେବେ ତମ୍ବାଖୁ ସେବନ କରୁନଥିଲେ କି ଚାକିରି କରିବା ପରେ ମଧ୍ୟ ତମ୍ବାଖୁ ସେବନ କରିବେ ନାହିଁ । ଅନ୍ୟପଟେ ରାଜ୍ୟ ସରକାରଙ୍କ ଏଭଳି ପଦକ୍ଷେପକୁ ଝାଡ଼ଖଣ୍ଡ ବିଜେପି ନେତା ଶିବ ପୁଜନ ସ୍ୱାଗତ କରିଛନ୍ତି । ସେ କହିଛନ୍ତି ରାଜ୍ୟ ସରକାରଙ୍କୁ ମଦ ବନ୍ଦ ନେଇ ଚିନ୍ତା କରିବାର ଆବଶ୍ୟକତା ରହିଛି । ରାଜ୍ୟକୁ ସମ୍ପୂଣ୍ଣ ନିଶା ମୁକ୍ତ କରିବାକୁ ସରକାର ଆଗଭର ହୁଅନ୍ତୁ ।