ନୂଆଦିଲ୍ଲୀ ( ବଡ଼ ଖବର ବ୍ୟୁରୋ): ଜେଏନୟୁର ପୂର୍ବତନ ସଭାପତି କହ୍ନେୟା କୁମାର ଆଜି କଂଗ୍ରେସ ସାଂସଦ ରାହୁଲ ଗାନ୍ଧିଙ୍କୁ ଭେଟିଛନ୍ତି । ଏହା ପରେ କହ୍ନେୟା କୁମାର କଂଗ୍ରେସରେ ଯୋଗ ଦେବା ନେଇ ଚର୍ଚ୍ଚା ଜୋର ଧରିଛି । ହେଲେ ଏ ସମ୍ପର୍କରେ କହ୍ନେୟା କିମ୍ବା କଂଗ୍ରେସ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ । ଏପଟେ କଂଗ୍ରେସର ମୁଖପାତ୍ର ରଣଦୀପ ସୂର୍ଯ୍ୟେୱାଲା କହିଛନ୍ତି, ଅନେକ ଲୋକ ରାହୁଲ ଗାନ୍ଧୀଙ୍କୁ ଭେଟିଛନ୍ତି ଓ ବିଭିନ୍ନ ପ୍ରସଙ୍ଗରେ ଆଲୋଚନା କରୁଛନ୍ତି । ତେଣୁ କହ୍ନେୟାଙ୍କ ଭେଟଘାଟ ସମ୍ପର୍କରେ ମୁଁ କୌଣସି ମନ୍ତବ୍ୟ ଦେବାକୁ ଚାହୁଁନାହିଁ ।
ସୂଚନା ଅନୁସାରେ, କଂଗ୍ରେସ ନିକଟରେ ନୂଆ ବିହାର ମୁଖ୍ୟଙ୍କ ନାଁ ଘୋଷଣା କରିବେ । ତେବେ କହ୍ନେୟା କଂଗ୍ରେସରେ ଯୋଗ ଦେଇପାରନ୍ତି । ବର୍ତ୍ତମାନ କହ୍ନେୟା ସିପିଆଇର ସଦସ୍ୟ ରହିଛନ୍ତି । ୨୦୧୯ ଲୋକଲଭା ନିର୍ବାଚନ ବେଳେ ସିପିଆଇ ତାଙ୍କୁ ବେଗୁସରାଇରୁ ପ୍ରାର୍ଥୀ କରିଥିଲା । ତେବେ ବିଜେପି ଠାରୁ ତାଙ୍କୁ ପରାସ୍ତ ହେବାକୁ ପଡିଥିଲା । ଏବେ ସେ କଂଗ୍ରେସରେ ସାମିଲ ହେବା ନେଇ ଚର୍ଚ୍ଚା ଜୋର ଧରିଛି ।
