ବିିରୋଧୀଙ୍କ କ୍ଷେତ୍ରରେ ଅଦାଲତର ଅପବ୍ୟବହାର ହୋଇଛି : କପିଲ ସିବଲ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଅଗଷ୍ଟ ୪ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରନେମ ମାମଲାରେ ସୁପ୍ରିମକୋର୍ଟ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ଦଣ୍ଡକୁ ସ୍ଥଗିତ ରଖିବା ପରେ ରାଜ୍ୟସଭା ସାଂସଦ କପିଲ ସିବଲ ଲୋକସଭା ବାଚସ୍ପତିଙ୍କୁ ଉପଦେଶ ଦେଇଛନ୍ତି। ସେ କହିଛନ୍ତି ଯେ ମୋଦି ସରନେମ ପ୍ରସଙ୍ଗ ରାଜନୈତିକ ଏଜେଣ୍ଡା। ଏହି ମାମଲାକୁ ଆଇନଗତ ପ୍ରକ୍ରିୟାରେ ଆଣିବା ହେଉଛି କୋର୍ଟର ଏକ ଅପବ୍ୟବହାର । କର୍ଣ୍ଣାଟକରେ ମୋଦି ସରନେମ ମାମଲାରେ ରାହୁଲ ଗାନ୍ଧୀ ଏକ ଅଭିଭାଷଣ ଦେଇଥିଲେ । ଗୁଜୁରାଟରେ ଏହି ଆବେଦନ କରାଯାଇଥିଲା।
VIDEO | "This is a political agenda and an abuse of courts. The speech was made in Karnataka, and the petition was filed in Gujarat. Even the judge knew that the (Lok Sabha) membership wouldn't have terminated if the conviction was of less than two years (of imprisonment)," says… pic.twitter.com/v68gaiL2pF
— Press Trust of India (@PTI_News) August 5, 2023
ଏପରିକି ବିଚାରପତି ଜାଣିଥିଲେ ଯେ ଯଦି ଦଣ୍ଡ ଦୁଇ ବର୍ଷରୁ କମ୍ ହୋଇଥାନ୍ତା, ତେବେ ତାଙ୍କର ଲୋକସଭା ସଦସ୍ୟତା ସମାପ୍ତ ହୋଇନଥାନ୍ତା। ଏହି ପ୍ରସଙ୍ଗରେ କପିଲ ସିବଲ ବାଚସ୍ପତିଙ୍କୁ କହିଛନ୍ତି ଯେ ରାହୁଲ ଗାନ୍ଧିଙ୍କ ସଦସ୍ୟତା ସୋମବାର ଦିନ ପୁନଃ ସ୍ଥାପିତ ହେବା ଉଚିତ। ଅଦାଲତର ଅପବ୍ୟବହାର କେବଳ ରାହୁଲ ଗାନ୍ଧିଙ୍କ କ୍ଷେତ୍ରରେ ଘଟୁନାହିଁ। ଏପର୍ଯ୍ୟନ୍ତ ଅନେକ କ୍ଷେତ୍ରରେ ଏହା ଘଟିଛି । ଏସପି ନେତା ଆଜମ ଖାନଙ୍କ ଉଦାହରଣ ଦେଇ ସେ କହିଛନ୍ତି ଯେ ତାଙ୍କ କ୍ଷେତ୍ରରେ ମଧ୍ୟ ସମାନ ଘଟଣା ଘଟିଛି। କୋର୍ଟର ଅପବ୍ୟବହାର କରାଯିବା ଉଚିତ୍ ନୁହେଁ । ଅପରାଧିକ ମାନହାନୀ ମାମଲା ସମାପ୍ତ ହେବା ଉଚିତ । କାହାକୁ ଜେଲକୁ ପଠାଇବାର କୌଣସି ଅର୍ଥ ନାହାଁ ।