ନୂତନ ବର୍ଷରୁ ବଦଳିବ ଟୋଲଗେଟ ନିୟମ
ପିପିଲି(ବଡ଼ ଖବର ବ୍ୟୁରୋ): ଟୋଲ ପ୍ଲାଜାରେ ଫାଷ୍ଟଟାଗ୍ ବ୍ୟବହାରକୁ କଡାକଡି କରାଯିବ । ଜାନୁଆରୀ ୧ରୁ ବିଭିନ୍ନ ଅଂଚଳରେ ଟୋଲଗେଟ ମାନଙ୍କରେ ଗାଡି ଚାଳକଙ୍କଠୁ ଟୋଲ ଫିସ ବାବଦରେ ଟଙ୍କା ଗ୍ରହଣ କରାଯିବ ନାହିଁ । ଟଙ୍କା ବଦଳରେ ଗାଡିରେ ଲାଗିଥିବା ଫାଷ୍ଟଟାଗ ଟୋଲ ଫିସ ଆଦାୟ କରାଯିବା ପାଇଁ ନିଷ୍ପତ୍ତି ଗ୍ରହଣ କରିଛନ୍ତି କେନ୍ଦ୍ର ସରକାର । ଫାଷ୍ଟଟାଗ ଟୋଲ ପ୍ଲାଜାରେ ଟ୍ରାଫିକ ସମସ୍ୟା ଦୂର ହେବା ସହ ଅଳ୍ପ ସମୟ ମଧ୍ୟରେ ଗାଡି ଟୋଲଗେଟରୁ ଯାତାୟାତ କରିପାରିବ ବୋଲି ଟୋଲଗେଟ ମ୍ୟାନେଜର କହିଛନ୍ତି । ପୂର୍ବରୁ ଏହି ବ୍ୟବସ୍ଥା ଲାଗୁ କରାଯାଇଥିଲେ ମଧ୍ୟ କରୋନା ପାଇଁ ଏହାକୁ ସାମୟିକ ଭାବେ ବନ୍ଦ କରାଯାଇଥିଲା ।