ଦୁର୍ବ୍ୟବହାର ଅଭିଯୋଗ ଆଣିଲେ କେଜ୍ରିୱାଲ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ୬ ଦିନିଆ ରିମାଣ୍ଡରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଗତକାଲି ଗିରଫ ପରେ ଦିଲ୍ଲୀ ରାଉଜ ଏଭିନ୍ୟୁ କୋର୍ଟରେ ଆଜି ହାଜର ହୋଇଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ୧୦ଦିନିଆ ରିମାଣ୍ଡରେ ନେବାକୁ କୋର୍ଟରେ ଆବେଦନ କରିଥିଲା ଇଡି । କିନ୍ତୁ କୋର୍ଟ ଇଡିକୁ ୬ଦିନ ରିମାଣ୍ଡ ସମୟ ଦେଇଛନ୍ତି, ଯାହାଫଳରେ କେଜ୍ରିୱାଲଙ୍କୁ ୬ ଦିନ ନିଜ ହେପାଜତରେ ରଖି ପଚରାଉଚରା କରିବ । କିନ୍ତୁ ଅରବିନ୍ଦ କେଜରିୱାଲ ଆଣିଛନ୍ତି ସାଂଘାତିକ ଅଭିଯୋଗ । ଜଣେ ଏସିପି ତାଙ୍କୁ ଦୁର୍ବ୍ୟବହାର କରିଥିବା ସେ ଅଭିଯୋଗ ଆଣିଛନ୍ତି।

ଏନେଇ ସେ ଏସିପିଙ୍କୁ ହଟାଇବାକୁ କୋର୍ଟଙ୍କ ନିକଟରେ ଅପିଲ କରିଛନ୍ତି। ଏସିପି ଏ.କେ ସିଂଙ୍କୁ ନିଜ ସୁରକ୍ଷାରୁ ହଟାଇବାକୁ ସେ କୋର୍ଟଙ୍କ ନିକଟରେ ଦାବି କରିଛନ୍ତି। କେଜରିୱାଲଙ୍କ ପୂର୍ବରୁ ଦିଲ୍ଲୀ ଉପମୁଖ୍ୟମନ୍ତ୍ରୀ ମନିଷ ସିସୋଦିଆ ମଧ୍ୟ ଏସିପି ଏ.କେ ସିଂଙ୍କ ବିରୋଧର କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ଏସିପି ଏ.କେ ସିଂ, ମନିଷ ସିସୋଦିଆଙ୍କ ବେକ ଧରି ଟାଣି ଟାଣି ନେଉଥିବାର ଭିଡିଓ ଭାଇରାଲ ହୋଇଥିଲା। ତେବେ ଏନେଇ କୋର୍ଟ କୌଣସି ନିର୍ଦ୍ଦେଶାନାମା ପ୍ରକାଶ କରି ନାହାନ୍ତି।