କେଜ୍ରିୱାଲଙ୍କୁ ହାଇକୋର୍ଟ ଝଟକା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କେଜ୍ରିୱାଲଙ୍କ ଆବେଦନକୁ ଖାରଜ କଲେ ଦିଲ୍ଲୀ ହାଇକୋର୍ଟ । ଗିରଫ ଯଥାର୍ଥ ବୋଲି କହିଲେ ଦିଲ୍ଲୀ ହାଇକୋର୍ଟ । ଗିରଫକୁ ବେଆଇନ କୁହାଯାଇପାରିବନି କହିଲେ କୋର୍ଟ । ଅବକାରୀ ଦୁର୍ନୀତି ସହ ଜଡ଼ିତ ମନି ଲଣ୍ଡରିଂ ମାମଲାରେ ତାଙ୍କ ଗିରଫଦାରୀକୁ ଚ୍ୟାଲେଞ୍ଜ କରି ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଆବେଦନ ଉପରେ ହାଇକୋର୍ଟ ରାୟ ଶୁଣାଇଥିବା ବେଳେ ଏହି ରାୟ ଆସିଛି। ଏଥିସହ କେଜ୍ରିଓ୍ବାଲଙ୍କ ଗିରଫଦାରୀ ଚ୍ୟାଲେଞ୍ଜକୁ ଖାରଜ କରିଛନ୍ତି କୋର୍ଟ।
ଏବେ ଆପ୍ ସୁପ୍ରିମକୋର୍ଟ ଯାଇପାରନ୍ତି। ଏହାବ୍ୟତୀତ ହାଇକୋର୍ଟ ତାଙ୍କ ରାୟରେ ଉଲ୍ଲେଖ କରିଛନ୍ତି ଯେ ବର୍ତ୍ତମାନ ରଦ୍ଦ ହୋଇଥିବା ମଦ ନୀତି ପ୍ରଣୟନ ଏବଂ ଲାଞ୍ଚ ଦାବିରେ କେଜ୍ରିୱାଲ ବ୍ୟକ୍ତିଗତ ଭାବରେ ସମ୍ପୃକ୍ତ ଥିଲେ। ଏହାବ୍ୟତୀତ ଆପର ରାଷ୍ଟ୍ରୀୟ ଆବାହକ ଭାବେ କେଜ୍ରିୱାଲ ଏହି ଦୁର୍ନୀତି ସହ ଜଡ଼ିତ କାର୍ଯ୍ୟକଳାପରେ ଅଂଶଗ୍ରହଣ କରିଥିବା ଅଭିଯୋଗ ହୋଇଛି। କୋର୍ଟ କହିଛନ୍ତି, ଯେଉଁ ବୟାନ ରେକର୍ଡ ହୋଇଛି ତାହା ବିଚାରପତିଙ୍କ ଆଗରେ ହୋଇଛି ।
ଏପରି ସ୍ଥିତିରେ ଯେଉଁ ବ୍ୟକ୍ତିଙ୍କ ପ୍ରମାଣକୁ ଚ୍ୟାଲେଞ୍ଜ କରାଯାଉଛି ଏହାର ଅର୍ଥ ବିଚାରପତି ଏବଂ ବିଚାର ପ୍ରକ୍ରିୟା ଉପରେ ପ୍ରଶ୍ନ ଉଠାଯାଉଛି। ଏହି ମାମଲାରେ କେନ୍ଦ୍ର ସରକାର ନାହାନ୍ତି। ଏହା ଇଡି ଏବଂ କେଜ୍ରିଓ୍ବାଲଙ୍କ ମଧ୍ୟରେ। କୋର୍ଟ କୌଣସି ରାଜନୈତିକ ଚାପର ଶିକାର ହେବେ ନାହିଁ।