୫୦ ଲକ୍ଷରୁ ଊର୍ଦ୍ଧ୍ୱ ଟଙ୍କାର ଗଞ୍ଜେଇ ଜବତ, ତିନି ଗିରଫ

ମାଲକାନଗିରି: (ବଡ଼ ଖବର ବ୍ୟୁରୋ)  ମାଲକାନଗିରି ଜିଲ୍ଲା ଅବକାରୀ ବିଭାଗକୁ ମିଳିଲା ପୁଣି ଏକ ବଡ ସଫଳତା । ଜିଲ୍ଲାର ପଦ୍ମଗିରି ଅଞ୍ଚଳରୁ ଗଞ୍ଜେଇ ନେଇ ସୁଦୂର ଛତିଶଗଡ କୁ ଚୋରା ଚାଲାଣ କରିବା ସମୟରେ ପିକଅପ ଗାଡି ସହ ୩ ଜଣକୁ ଗିରଫ କରିଛି ଜିଲ୍ଲା ଅବକାରୀ । ଅବକାରୀ ବିଭାଗର କର୍ମଚାରୀ ମାନେ ସର୍ଗିଗୁଡା  ନିକଟରେ ପାଟ୍ରୋଲିିଂଗ ସମୟରେ ଗୁଇନ୍ଦା ସୂଚନା ପାଇ ପିକଅପ  ଗାଡିଟିକୁ ଯାଞ୍ଚ କରିବା ସମୟରେ ୩ ଜଣଙ୍କୁ  ଗିରଫ କରିଥିବା ବେଳେ ଅନ୍ୟ ଦୁଇ ଜଣ ଅବକାରୀ କର୍ମଚାରୀଙ୍କୁ ଚକମା ଦେଇ ଫେରାର ହୋଇ ଯାଇଛନ୍ତି । ଏମାନଙ୍କ ନିକଟରୁ ୭୦୦ କେଜି ଗଞ୍ଜେଇ ଜବତ ହୋଇଥିବା ବେଳେ ଏହାର ଅନୁମାନିକ ବାଜାର ମୂଲ୍ୟ ପ୍ରାୟ ୫୦ ଲକ୍ଷ ଟଙ୍କାରୁ ଉର୍ଦ୍ଧ ହେବ ବୋଲି ଅବକାରି ଏସପି କହିଛନ୍ତି।