ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କେନ୍ଦ୍ରମନ୍ତ୍ରୀ କିରଣ ରିଜିଜୁ ବଡ଼ ବୟାନ । କହିଲେ ଦେଶକୁ ବଦନାମ କଲେ ଆମେ ଚୁପ ବସିବୁନି । ଯେଉଁମାନେ ଦେଶ ବିରୁଦ୍ଧରେ କହୁଛନ୍ତି ଆମେ ସେମାନଙ୍କ ବିରୁଦ୍ଧରେ ସ୍ୱର ଉତ୍ତୋଳନ କରିବା ଉଚିତ । କିରେନ ରିଜିଜୁ ଗୁରୁବାର ରାହୁଲ ଗାନ୍ଧୀଙ୍କୁ ଟାର୍ଗେଟ କରି ତାଙ୍କୁ କ୍ଷମା ମାଗିବାକୁ କହିଛନ୍ତି। ଲଣ୍ଡନରେ ରାହୁଲ ଗାନ୍ଧୀଙ୍କ ବିବୃତ୍ତି ପାଇଁ ଭାଜପା ତାଙ୍କୁ କ୍ଷମା ମାଗିବାକୁ କହୁଛି। ଏହି ପ୍ରସଙ୍ଗରେ ଗୃହରେ ଅନେକ ଆଲୋଡ଼ନ ଦେଖାଦେଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ ରାହୁଲ ଗାନ୍ଧୀ ଗୁରୁବାର ସଂସଦକୁ ଆସିପାରନ୍ତି।
ଏଭଳି ପରିସ୍ଥିତିରେ ଗଣମାଧ୍ୟମ ସହ କଥାବାର୍ତ୍ତା ବେଳେ କେନ୍ଦ୍ର ଆଇନ ମନ୍ତ୍ରୀ କିରେନ ରିଜିଜୁ ରାହୁଲ ଗାନ୍ଧୀ କ୍ଷମା ମାଗନ୍ତୁ ବୋଲି ଦାବି କହିଛନ୍ତି। ଯଦି ରାହୁଲ ଗାନ୍ଧୀ କୁହନ୍ତି ଏବଂ ଏହା କଂଗ୍ରେସ ପାଇଁ ଅସୁବିଧା ସୃଷ୍ଟି କରେ , ତା’ହେଲେ ଆମର ଏହା ସହ କୌଣସି ସମ୍ପର୍କ ନାହିଁ। କିନ୍ତୁ ଯଦି ସେ ଦେଶକୁ ବଦନାମ କରନ୍ତି, ତେବେ ଦେଶର ନାଗରିକ ଭାବରେ ଆମେ ଚୁପ ରହିପାରିବୁ ନାହିଁ। ଲଣ୍ଡନ ସେମିନାରରେ ରାହୁଲ ଯାହା କହିଛନ୍ତି ସେଥିପାଇଁ ସେ କ୍ଷମା ମାଗିବା ଉଚିତ।
