ଏଥର ହେବନି ‘ତାଜ ମହୋତ୍ସବ’
ନୂଆଦିଲ୍ଲୀ : ଫେବୃଆରୀ ୧୮ ରୁ ଆରମ୍ଭ ହେବାକୁ ଥିବା ୧୦ ଦିନିଆ ବାର୍ଷିକ ସାଂସ୍କୃତିକ କାର୍ଯ୍ୟକ୍ରମ ‘ତାଜ ମହୋତ୍ସବ’କୁ ବାତିଲ କରାଯାଇଛି । ପ୍ରତିବର୍ଷ ବିଭିନ୍ନ ବର୍ଗର ପର୍ଯ୍ୟଟକ ତଥା ତାଜମହଲ ନିକଟରେ ଅବସ୍ଥିତ ଶିଳ୍ପାଗ୍ରାମ କମ୍ପ୍ଲେକ୍ସରେ ନିଜର କଳା ପ୍ରଦର୍ଶନ କରିବାକୁ ଦେଶର ବିଭିନ୍ନ ସ୍ଥାନରୁ କାରିଗରମାନେ ଆସିଥାନ୍ତି । ଏହି କାର୍ଯ୍ୟକ୍ରମକୁ ବାତିଲ କରାଯିବାରୁ ଆଗ୍ରା ପର୍ଯ୍ୟଟକ ନିରାଶ ହୋଇଛନ୍ତି । କରୋନା ମହାମାରୀ ଯୋଗୁଁ ଚଳିତ ବର୍ଷ ୧୦ ଦିନିଆ କାର୍ଯ୍ୟକ୍ରମ କରିବା ସମ୍ଭବ ନୁହେଁ କହିଛନ୍ତି ବିଭାଗୀୟ କମିଶନର ଅନିଲ କୁମାର । ଗତ ୨୪ ଘଣ୍ଟା ମଧ୍ୟରେ ନଅଟି ପଜିଟିଭ ରିପୋର୍ଟ ମିଳିଥିଲା । ଯାହା ୧୦,୩୪୮କୁ ବୃଦ୍ଧି ହୋଇଥିବାବେଳେ ୧୭୧ ଜଣଙ୍କର ମୃତ୍ୟୁ ଘଟିଛି ।