ଭୁବନେଶ୍ୱର (ବଡ଼ ଖବର ବ୍ୟୁରୋ): ଭୋଟ ଦେବାରୁ ବଞ୍ଚିତ ହେଲେ କିଶୋର ଦ୍ୱିବେଦୀ । ବିଶିଷ୍ଟ ସାମ୍ବାଦିକ ତଥା ୱାର୍ଲଡ ଓଡ଼ିଶା ସୋସାଇଟିର ଅଧ୍ୟକ୍ଷ କିଶୋର ଦ୍ୱିବେଦୀଙ୍କ ନାମ ଭୋଟର ତାଲିକାରୁ ଗାଏବ ହୋଇ ଯାଇଥିବା ଖବର ମିଳିଛି । ଭୋଟ ପରିଚୟପତ୍ର ଥାଇ ମଧ୍ୟ ସେ ଭୋଟ ଦାନ କରିବାରୁ ଆଜି ବଂଚିତ ହୋଇଛନ୍ତି ।
ଶ୍ରୀ ଦ୍ୱିବେଦୀ ଯାଜପୁର ଜିଲ୍ଲା ବରୀ ଗ୍ରାମ ପଂଚାୟତର ଭୋଟର । ସେ ଦିଲ୍ଲୀରେ ରହୁଥିଲେ ସୁଦ୍ଧା ୨୦୧୪ ଓ ୨୦୧୯ର ସାଧାରଣ ନିର୍ବାଚନ ସମୟରେ ଗାଁରେ ଆସି ଭୋଟ ଦେଇଥିଲେ । କିନ୍ତୁ ଭୋଟର ତାଲିକାରୁ ଶ୍ରୀ ଦ୍ୱିବେଦୀଙ୍କ ନାମ କଟିଥିବା ଜଣାପଡ଼ିଛି । ସେପଟେ ତାଙ୍କ ପୁଅ ନନ୍ଦନ ଦ୍ୱିବେଦୀଙ୍କର ନାମ ପ୍ରଥମ ଥରର ମତଦାତା ଭାବେ ନିର୍ବାଚନୀ ସୂଚୀରେ ସାମିଲ କରାଯାଇଥିବା ଜଣାଯାଇଛି ।
