ମଦ ମାଫିଆଙ୍କ ସହାୟତାରେ ଓଡ଼ିଶାରେ ବଢୁଛି ଅବକାରୀ ରାଜସ୍ୱ: ଇରାଶିଷ ଆଚାର୍ଯ୍ୟ
ଭୁବନେଶ୍ୱର (ବଡ଼ ଖବର ବ୍ୟୁରୋ): ବଲାଙ୍ଗୀରରେ ମଦ ବ୍ୟବସାୟୀଙ୍କ ଠାରୁ ନଗଦ ୨୦୦ କୋଟି ଜବତ ଘଟଣାରେ ବିଜେପି ନେତା ଇରାଶିଷ ଆଚାର୍ଯ୍ୟଙ୍କ ସାଙ୍ଘତିକ ଅଭିଯୋଗ। କହିଲେ ଓଡ଼ିଶାରେ ମାତିଛନ୍ତି ବିହାରୀ, ଝାଡ଼ଖଣ୍ଡ ମଦ ମାଫିଆ । ମଦ ମାଫିଆଙ୍କ ସହାୟତାରେ ଓଡ଼ିଶାରେ ବଢୁଛି ଅବକାରୀ ରାଜସ୍ୱ। ବିଗତ ୧୦ ବର୍ଷରେ ଓଡ଼ିଶାରେ ମଦ ରାଜସ୍ୱ ୩୭୦ ପ୍ରତିଶତ ବଢିଛି।
ଏଠି ନୂଆ ଓଡ଼ିଶା ନୁହେଁ ମଦର ସାରଥୀ ସାଜିଛନ୍ତି ନବୀନ । ବିନା ସରକାର ଏବଂ ପୋଲିସ ସୁରକ୍ଷା ଓ ସାହାଯ୍ୟରେ ଏତେ ବଡ କାରବାର ସମ୍ଭବ ନୁହେଁ କି ଓଡ଼ିଶାରେ ବାହାର ରାଜ୍ୟର ମଦ ମାଫିଆ ମାତିବା ସମ୍ଭବ ନୁହେଁ। ବାହାର ରାଜ୍ୟ ମଦ ମାଫିଆ କାରବାର ସହ ନିର୍ବାଚନ ଫଣ୍ଡିଂ, ରାଜସ୍ୱ ବୃଦ୍ଧି ସହ ଲିଙ୍କ ଅଛି । ଅଧିକ ତଦନ୍ତ ହେଲେ ଜଣା ପଡ଼ିବ।