ସ୍ୱାସ୍ଥ୍ୟକେନ୍ଦ୍ରର ସ୍ୱାସ୍ଥ୍ୟ ଭଲନାହିଁ

ଚୌଦ୍ୱାର(ବଡ଼ ଖବର ବ୍ୟୁରୋ): ସ୍ୱାସ୍ଥ୍ୟକେନ୍ଦ୍ରର ନାମକରଣକୁ ନେଇ ଦେଖାଦେଇଛି ଜନଅସନ୍ତୋଷ । ଚୌଦ୍ୱାର ସହରାଞ୍ଚଳର ସ୍ୱାସ୍ଥ୍ୟ କେନ୍ଦ୍ର ଉଦଘାଟନ ଉତ୍ସବରେ ଦେଖାଦେଇଛି ଏହି ଅସନ୍ତୋଷ । ଏହି ସ୍ୱାସ୍ଥ୍ୟକେନ୍ଦ୍ର ଲିବ୍ରା ଚୌଦ୍ୱାର ନାମରେ ନାମିତ ଥିଲା । ଏହାକୁ ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ ଉଦଘାଟିତ କରିଥିଲେ । ଏବେ ଏହାକୁ ସ୍ଥାନାନ୍ତର କରାଯାଇଥିବା ବେଳେ ଏହାର ନାମ କପାଳେଶ୍ୱର ପ୍ରାଥମିକ କେନ୍ଦ୍ର ଲେଖାଯାଇଛି । ବିଜେପି ନେତାମାନେ ଏହାର ପ୍ରତିବାଦ କରିବା ସହ ନାମକୁ ବଦଳାଇବାକୁ ଦାବି କରିଛନ୍ତି । ଏନେଇ ଚୌଦ୍ୱାର ମଣ୍ଡଳ ସଭାପତି କୈଳାସ ଚନ୍ଦ୍ର ବେହେରା, ଜ୍ଞାନେନ୍ଦ୍ର ସ୍ୱାଇଁ, ବିନୟ ନାୟକ ପ୍ରମୁଖ ସିଡିଏମ୍ଓ ଙ୍କୁ ଯୋଗାଯୋଗ କରିଥିଲେ । ସିଡିଏମ୍ଓ ସ୍ୱାସ୍ଥ୍ୟ କେନ୍ଦ୍ରର ନାମ ବଦଳାଇବାକୁ ପ୍ରତିଶୃତି ଦେଇଛନ୍ତି । ପୌର ନିର୍ବାହୀ ଅଧିକାରୀ ପବିତ୍ର ବେହେରା ଏ ସମ୍ପର୍କରେ ଅବଗତ ନଥିବା କହିଛନ୍ତି ।