ସ୍ୱର୍ଣ୍ଣ ମନ୍ଦିରରେ ଫୁଟିଲା ଗୁଳି; ଅଳ୍ପକେ ବର୍ତ୍ତିଲେ ପଞ୍ଜାବ ପୂର୍ବତନ ମୁଖ୍ୟମନ୍ତ୍ରୀ ସୁଖବୀର ସିଂ ବାଦଲ

ପଞ୍ଜାବ (ବଡ଼ ଖବର ବ୍ୟୁରୋ): ସୁଖବୀର ସିଂ ବାଦଲଙ୍କ ଉପରକୁ ଗୁଳିମାଡ଼ । ଅଳ୍ପକେ ବର୍ତ୍ତିଲେ ପଞ୍ଜାବ ପୂର୍ବତନ ମୁଖ୍ୟମନ୍ତ୍ରୀ । ସ୍ୱର୍ଣ୍ଣ ମନ୍ଦିରରେ ସେବା କରୁଥିବା ବେଳେ ଅଚାନକ ହୋଇଥିଲା ଗୁଳିମାଡ଼ । ଘଟଣା ସ୍ଥଳରେ ଆକ୍ରମଣକାରୀଙ୍କୁ କାବୁ କରିଛନ୍ତି ଲୋକେ । ଆକ୍ରମଣକାରୀକୁ ପୋଲିସ ଗିରଫ କରିବା ସହ ପିସ୍ତଲ ଜବତ କରିଛି ପୋଲିସ । ଆକ୍ରମଣକାରୀ ପୂର୍ବତନ ଆତଙ୍କବାଦୀ ନାରାୟଣ ସିଂ ଚୌରା ବୋଲି ଜଣାପଡ଼ିଛି ।

ଧାର୍ମିକ ଦଣ୍ଡ ଅନୁଯାୟୀ ମନ୍ଦିର ପ୍ରବେଶ ଦ୍ୱାରରେ ସୁରକ୍ଷାକର୍ମୀ ଭାବେ କାର୍ଯ୍ୟ କରୁଥିଲେ ସୁଖବୀର । ପଞ୍ଜାବରେ ଶିରୋମଣି ଅକାଳୀ ଦଳ ସରକାରରେ ଥିବା ବେଳେ ଡେରା ମୁଖ୍ୟ ଗୁରମିତ ରାମ ରହିମଙ୍କୁ କ୍ଷମା ଦେବାରେ ତକ୍ରାଳୀନ ଉପମୁଖ୍ୟମନ୍ତ୍ରୀ ସୁଖବୀର ସିଂ ବାଦଲଙ୍କ ବଡ଼ ଭୂମିକା ଥିଲା । ଶିଖ ସମାଜର ସୁପ୍ରିମୋ ଅଦାଲତ ସୁଖବୀରଙ୍କ ସହ ୧୭ ଜଣଙ୍କୁ ଧାର୍ମିକ ଦଣ୍ଡ ଶୁଣାଇଥିଲେ । ଏହା ପରେ ସଜା ଭାବେର ସେ ସ୍ୱର୍ଣ୍ଣ ମନ୍ଦିର ବାହାର ଜଗିବା ସହ ଦଣ୍ଡ ଭୋଗୁଛନ୍ତି । ଦଣ୍ଡର ପ୍ରଥମ ଦିନରେ ଯେ ମନ୍ଦିରର କମୁ୍ୟନିଟି ରୋଷେଇ ଘରେ ସେ ବାସନ ସଫା କରିଥିଲେ ।