ପୁଣି ଗୃହରେ ନବ ତାତି

ଭୁବନେଶ୍ୱର (ବଡ଼ ଖବର ବ୍ୟୁରୋ): ପୁଣି ଗୃହରେ ନବ ଦାସ ହତ୍ୟାକାଣ୍ଡ ତାତି । ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛି କଂଗ୍ରେସ । କଂଗ୍ରେସ ବିଧାୟକ ସୁରେଶ କୁମାର ରାଉତରାୟ କହିଛନ୍ତି, ନବ ଦାସଙ୍କ ଝିଅ କହୁଛନ୍ତି ତଦନ୍ତ ଶିଥିଳ ହେଉଛି । ଓଡ଼ିଶାବାସୀ ଜାଣନ୍ତୁ, ଚକ୍ରାନ୍ତ କରି ହତ୍ୟା କରାଯାଇଛି । କୁଆଡେ ଗଲେ ମୁଖ୍ୟମନ୍ତ୍ରୀ ବୋଲି ପ୍ରଶ୍ନ କରିଛନ୍ତି ସୁର ରାଉତରାୟ । ମୁଖ୍ୟମନ୍ତ୍ରୀ ବିଧାନସଭା ଛାଡ଼ି ରାଉରକେଲା ଯାଉଛନ୍ତି । କଂଗ୍ରେସ ସିଟିଂ ଜଜଙ୍କ ତତ୍ଵାବଧାନରେ ତଦନ୍ତ କରିବା ପାଇଁ ଦାବି କରିଥିଲା ।

କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି କହିଛନ୍ତି, ନବ ଦାସଙ୍କ ହତ୍ୟା ଏବେ ବି ତଦନ୍ତ ଘେରରେ । ଡାକ୍ତର କହିଲା ପାଗଳ ନୁହେଁ । ତଦନ୍ତ ହେଉଛି ସେ ପାଗଳ କି ନାହିଁ । ମରିବା କାରଣ ଖୋଜା ଯାଉନି । ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛି କଂଗ୍ରେସ । ଦଳ ଏସଆଇଟି ତଦନ୍ତ ଦାବି କରିଥିଲା । କିନ୍ତୁ ସରକାର କଲେ ନାହିଁ । ରାଜ୍ୟ ସରକାର ହତ୍ୟା ତଦନ୍ତକୁ କୁଆଡ଼େ କୁଆଡ଼େ ବୁଲାଉଛନ୍ତି ବୋଲି କହିଛନ୍ତି ତାରାପ୍ରସାଦ ବାହିନୀପତି ।