Before Header

ସରକାର କୌଣସି ପଦକ୍ଷେପ ନେଉନାହାନ୍ତି: ଫୁଲୋଦେବୀ ନେତମ

0 19

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମିଳିତ ବିରୋଧୀ ମେଣ୍ଟ ଇଣ୍ଡିଆର ୨୧ ଜଣିଆ ସାଂସଦ ପ୍ରତିନିଧି ଦଳ ମଣିପୁର ଗସ୍ତ କରି ଫେରିଛନ୍ତି । ମଣିପୁର ସ୍ଥିତି ସମୀକ୍ଷା ପରେ ରାଜ୍ୟପାଳଙ୍କୁ ଭେଟିବା ସହ ଏକ ସ୍ମାରକପତ୍ର ଦେଇଛନ୍ତି । ମଣିପୁରର ରିଲିଫ କ୍ୟାମ୍ପ ପରିଦର୍ଶନ କରି ଲୋକଙ୍କ ସହ କଥା ହୋଇଥିଲେ। ଦିଲ୍ଲୀ ଫେରିବା ପରେ କଂଗ୍ରେସ ସାଂସଦ ଫୁଲୋଦେବୀ ନେତମ ମଣିପୁର ପୋଲିସ ବିରୋଧରେ ଏକ ବଡ ଅଭିଯୋଗ ଆଣିଛନ୍ତି। ସେ କହିଛନ୍ତି ଦୁଇ ଝିଅଙ୍କୁ ବଳାତ୍କାର କରାଯାଇଥିବା ।

ପୀଡିତାମାନେ ମୋତେ କହିଥିଲେ ଯେ ପୋଲିସ ସାମ୍ନାରେ ସେମାନଙ୍କୁ ବଳାତ୍କାର କରାଯାଇଥିଲା । କିନ୍ତୁ ସରକାର କୌଣସି ପଦକ୍ଷେପ ନେଉନାହାଁନ୍ତି। ଆମେ ଦାବି କରୁଛୁ ଯେ ଯଥାଶୀଘ୍ର ସେଠାରେ ସ୍ୱାଭାବିକତା ପୁନଃ ସ୍ଥାପିତ ହେବା ଉଚିତ୍ । ସେ ଆହୁରି ମଧ୍ୟ କହିଛନ୍ତି ଆମେ ଏକ ପ୍ରାମାଣିକ ରିପୋର୍ଟ ପ୍ରସ୍ତୁତ କରି ଗୃହ ସମ୍ମୁଖରେ ଉପସ୍ଥାପନ କରିବୁ। ଆମେ ଦାବି କରୁଛୁ ଯେ ମଣିପୁର ବିଷୟରେ ଆଲୋଚନା ପାଇଁ ପ୍ରଧାନମନ୍ତ୍ରୀ ସଂସଦକୁ ଆସନ୍ତୁ।

Leave A Reply

Your email address will not be published.