ଦେଶ ଅଗ୍ରଗତି କରିଛି ଏବଂ ଦେଶର ଉନ୍ନତି ହୋଇଛି: ଶୁଭେନ୍ଦୁ ଅଧିକାରୀ

କୋଲକାତା (ବଡ଼ ଖବର ବ୍ୟୁରୋ): ମଣିପୁର ହିଂସାକୁ ନେଇ ଚାଲିଛିି ରାଜନୀତି । ବିରୋଧୀ ସରକାରଙ୍କୁ କରୁଛନ୍ତି ଟାର୍ଗେଟ । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବିରୋଧୀ ମେଣ୍ଟ ‘ଇଣ୍ଡିଆ’କୁ ନେଇ ଟ୍ୱିଟ କରିଥିବା ବେଳେ ଏହି ଟ୍ୱିଟର ଉତ୍ତର ରଖିଛନ୍ତି ପଶ୍ଚିମବଙ୍ଗ ବିରୋଧୀ ଦଳର ନେତା ତଥା ବିଜେପି ବିଧାୟକ ଶୁଭେନ୍ଦୁ ଅଧିକରୀ । ସେ କହିଛନ୍ତି ଏହା ରାଜନୈତିକ ଦୃଷ୍ଟିରୁ ଦୁର୍ଭାଗ୍ୟପୂର୍ଣ୍ଣ ଟ୍ୱିଟ । ରାଜ୍ୟରେ ପଞ୍ଚାୟତ ନିର୍ବାଚନ ସମୟରେ ହିଂସାକୁ ରୋକିବା ପାଇଁ ସିଏମ୍ ବାନାର୍ଜୀ ପଦକ୍ଷେପ ନେଇ ନାହାନ୍ତି ।

ପ୍ରଧାନମନ୍ତ୍ରୀ ମୋଦି ସରକାର କିଛି ମାସ ମଧ୍ୟରେ ୧୦ ବର୍ଷ ପୂରଣ କରିବେ । ମୋଦି ସରକାରରେ କୌ ଣସି ଦୁର୍ନୀତିର ଅଭିଯୋଗ ନାହିଁ। ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଦେଶ ଅଗ୍ରଗତି କରିଛି ଏବଂ ଦେଶର ଉନ୍ନତି ହୋଇଛି। ସେପଟେ ମିଳିତ ବିରୋଧୀ ମେଣ୍ଟ ଇଣ୍ଡିଆର ୨୧ ଜଣିଆ ସାଂସଦ ପ୍ରତିନିଧି ଦଳ ମଣିପୁର ଗସ୍ତ କରି ଫେରିଛନ୍ତି । ମଣିପୁର ସ୍ଥିତି ସମୀକ୍ଷା ପରେ ରାଜ୍ୟପାଳଙ୍କୁ ଭେଟିବା ସହ ଏକ ସ୍ମାରକପତ୍ର ଦେଇଛନ୍ତି ।