ରାୟଗଡ଼ା (ବଡ଼ ଖବର ବ୍ୟୁରୋ): ରାୟଗଡ଼ା ଜିଲ୍ଲା ମୁନିଗୁଡା ନିକଟ ଦେଓପୁକୁଲିରେ ମାଓବାଦୀଙ୍କ ଲଙ୍କାକାଣ୍ଡ। ଜାଳିଦେବେ କ୍ରସର । ଗତକାଲି ବିଳମ୍ବିତ ରାତିରେ ୧୦ରୁ ଉର୍ଦ୍ଧ୍ବ ସଶସ୍ତ୍ର ମାଓବାଦୀ ମାନେ ମୁନିଗୁଡା ସହର ଠାରୁ ପ୍ରାୟ ୭ କିଲୋମିଟର ଦୂର ଦେଓପୁକୁଲିରେ ଥିବା କ୍ରସର ଭିତରକୁ ପଶିଆସି ଥିଲେ। କ୍ରସରର ଚାରିପଟେ ଘେରାବନ୍ଦି କରିବା ସହିତ ବନ୍ଧୁକ ମୁନରେ କର୍ମଚାରୀଙ୍କୁ ଗୋଟିଏ ପାଖକୁ କରି କ୍ରସରକୁ ନିଜ କବଜାକୁ ନେଇଗଲେ। ପରେ କ୍ରସରରେ ଡିଜେଲ ପକାଇ କ୍ରସରରେ ଥିବା ଦୁଇଟି ପ୍ରୋକ୍ଲିନ, ୫ଟି ହାଇୱା ଓ ୨ଟି ଲୋଡର ସମେତ ମୋଟ ୯ଟି ମେସିନରେ ନିଆଁ ଲଗାଇ ପୋଡ଼ି ଦେଇଛନ୍ତି ମାଓବାଦୀ । କିଛିଦିନ ପରେ ମାଓବାଦୀ ସଙ୍ଗଠନ ପକ୍ଷରୁ ଏଭଳି କାଣ୍ଡ କୁ ନେଇ ଲୋକେ ଆତଙ୍କିତ ହୋଇ ରହିଛନ୍ତି।
