ମିଳିଲା ନଦୀରେ ଖସିପଡିଥିବା ମରଶରୀର
କଣାସ(ବଡ଼ ଖବର ବ୍ୟୁରୋ): କଲେଜ ଯିବା ବାଟରେ ଅଘଟଣ । ନଦୀରେ ପଡି ଜଣେ ଛାତ୍ରୀ ମୃତ । ଏଭଳି ଦୃଶ୍ୟ ଦେଖିବାକୁ ମିଳିଛି କଣାସ ଥାନା ଗଡବଡପୁଟ ଗ୍ରାମରେ । ସେହି ଗ୍ରାମର +୩ ଛାତ୍ରୀ ଗାଁ ନିକଟରେ ଥିବା ମନ୍ଦାରବସ୍ଥ ବିଦ୍ୟୁତ୍ ମହାବିଦ୍ୟାଳୟକୁ ଯାଉଥିବାବେଳେ ରାଜୁଆ ନଦୀର ବ୍ରୀଜି ଉପରୁ ଗତକାଲି ଖସିପଡିଥିଲେ ।
ଖବରପାଇ ସ୍ଥାନୀୟ ପୋଲିସ ଏବଂ ଅଗ୍ନି ଶମ ବାହିନୀ ଘଟଣା ସ୍ଥଳରେ ପହଞ୍ଚିଞ୍ଚିଥିଲେ । ଦୀର୍ଘ ୩୮ ଘଣ୍ଟା ପରେ କଣାସର ଚିଲିକା ନିକଟ ହରିପୁରୁ ଗ୍ରାମର କିଛି ଯୁବକ ଶବ ଭାସୁଥିବାର ଦେଖିବାକୁ ପାଇଥିଲେ । ପରେ ଶବକୁ ହରିପୁରୁ ଗ୍ରାମର କୂଳକୁ ଆଣିଥିଲେ ।
ଖବର ପାଇ ଗଡ଼ିଶାଗୋଦା ପୋଲିସ ପହଁଚି ଶବକୁ ଜବତ କରିବା ସହିତ କଣାସ ଥାନାକୁ ଜଣାଇଥିଲେ । କଣାସ ପୋଲିସ ଜାଣିବା ପରେ ଛାତ୍ରୀଙ୍କ ପରିବାରକୁ ଖବର ଦେଇଥିଲେ । ଖବର ପାଇ ଝିଅର ବାପା ହରିପୁର ଗ୍ରାମରେ ପହଁଚି ଶବ ଚିହ୍ନଟ କରିଥିଲେ ।