ସହିଦ ବାଜି ରାଉତଙ୍କ ଶ୍ରାଦ୍ଧ ଦିବସ ପାଳିତ

ଢେଙ୍କାନାଳ(ବଡ଼ ଖବର ବ୍ୟୁରୋ): ଢେଙ୍କାନାଳ ବାଜିଚୌକଠାରେ ଆଜି ବିଶ୍ଵର ସର୍ବକନିଷ୍ଠ ସହିଦ ବାଜି ରାଉତଙ୍କ ଶ୍ରାଦ୍ଧ ଦିବସ ପାଳିତ ହୋଇଯାଇଛି। ୧୯୩୮ ମସିହା ଆଜିର ଦିନରେ ଗୋରା ଫୌଜଙ୍କୁ ବିରୋଧ କରି ବ୍ରାହ୍ମଣୀ ନଦୀକୂଳ ନିଳକଣ୍ଠପୁର ଗ୍ରାମର ବାର ବର୍ଷର ବାଳକ ବାଜି ରାଉତ ଇଂରେଜ ଗୁଳିରେ ଟଳି ପଡ଼ିଥିଲେ। ସହିଦ ବାଜି ରାଉତ ମିନାରଠାରେ ଥିବା ବାଜିରାଉତଙ୍କ ପ୍ରତିମୂର୍ତ୍ତିରେ ଜିଲ୍ଲାପାଳ ଓ ଅନ୍ୟମାନେ ପୁଷ୍ପମାଲ୍ୟ ଅର୍ପଣ କରିଥିଲେ।

ବାଜି ରାଉତଙ୍କ ପାର୍ଶ୍ଵରେ ଥିବା ଦୁଇ ବ୍ରିଟିଶ ସୈନିକଙ୍କ ମଧ୍ୟରୁ ଜଣକ ମୂର୍ତ୍ତି ଭାଙ୍ଗିଗଲାଣି। ସହିଦ ମିନାର ସୌନ୍ଦର୍ଜିକରଣ ପାଇଁ ୱାଟର ଫାଉଣ୍ଟେନ ଓ ଅଧିକାଂଶ ଲାଇଟ କାମକରୁନାହିଁ। ଢେ଼ଙ୍କାନାଳ ସ୍ଥାନୀୟ ବାସିନ୍ଦା ଓ ଥିଙ୍କର୍ସ ଫୋରମର ସଦସ୍ୟମାନେ ଏନେଇ ଜିଲ୍ଲାପାଳ ସରୋଜ ସେଠିଙ୍କୁ ଉପଯୁକ୍ତ ରକ୍ଷଣାବେକ୍ଷଣ କରିବାକୁ ଦାବିପତ୍ର ଦେଇଛନ୍ତି।