ସରେଣ୍ଡର କରିବେ ମନ୍ତ୍ରୀଙ୍କ ପୁଅ!
ଲକ୍ଷ୍ମୀପୁର (ବଡ଼ ଖବର ବ୍ୟୁରୋ): ଚାଷୀଙ୍କୁ ଗାଡ଼ି ଚଢ଼ାଇ ମାରିବା ଘଟଣାରେ ନୂଆମୋଡ଼ । ମାମଲାରେ ଅଭିଯୁକ୍ତ କୁହାଯାଉଥିବା କେନ୍ଦ୍ରମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରା ସରେଣ୍ଡର କରିପାରନ୍ତି । ଲକ୍ଷ୍ମୀପୁର ଖେରି ଜନପଦ ନ୍ୟାୟାଳୟରେ ଆତ୍ମସମର୍ପଣ କରିପାରନ୍ତି ଆଶିଷ । ତେବେ ଆଶିଷଙ୍କ ବ୍ୟତୀତ ଅନ୍ୟ ୧୪ ଜରଙ୍କ ନାଁରେ ହତ୍ୟା, ଅପରାଧିକ ଷଡ଼ଯନ୍ତ୍ର ଭଳି ସଙ୍ଗୀନ ଅଭିଯୋଗ ରହିଛି ।
ଏଫଆଇଆର ଅନୁଯାୟୀ, ଯେଉଁ ଗାଡି ଚଢାଇ ଚାଷୀଙ୍କୁ ହତ୍ୟା କରାଯାଇଥିଲା ସେହି ଗାଡିର ବାମପାଶ୍ୱର୍ରେ ଆଶିଷ ମିଶ୍ରା ବସିଥିଲେ । ଆଉ ଏହି ଘଟଣାକୁ ନେଇ ଏବେ ରାଜନୀତି ତେଜିବାରେ ଲାଗିଛି । ବିରୋଧୀ କଂଗ୍ରେସ ଏହି ଘଟଣାରେ ସରକାରଙ୍କୁ ଟାର୍ଗେଟ କରିବା ସହ କେନ୍ଦ୍ରମନ୍ତ୍ରୀ ଇସ୍ତଫା ଦିଅନ୍ତୁ ବୋଲି ଦାବି କରୁଛି । ଲକ୍ଷ୍ମୀପୁର ହିଂସାକାଣ୍ଡ ଘଟଣାକୁ ୩ ଦିନରୁ ଅଧିକ ସମୟ ବିତିଥିଲେ ମଧ୍ୟ ଏଥିପାଇଁ କିଏ ଦାୟୀ ତାହାର ଉତ୍ତର ଖୋଜୁଛି ପୋଲିସ । ଭିନ୍ନ ଭିନ୍ନ ଭିଡ଼ିଓ ସାମ୍ନାକୁ ଆସିବା ପରେ ଘଟଣା ଉପରୁ ପରଦା କିଛି ମାତ୍ରାରେ ହଟିଥିଲେ ମଧ୍ୟ ପୂରା ସତ କଣ ତାହା ଏଯାଏଁ ପଦାକୁ ଆସିନି ।