ପାଟିରେ ନୁହେଁ ନାକରେ ବଜାଉଛନ୍ତି ବଂଶୀ
କଟକ (ବଡ଼ ଖବର ବ୍ୟୁରୋ) : ନିଆରା କଳାକାର । ପାଟି ଓ ନାକରେ ବଜାଉଛନ୍ତି ବଂଶୀ । ସାଧାରଣ ଲୋକ ନୁହେଁ ଜଣେ ଦିବ୍ୟାଙ୍କ । ସେ ହେଉଛନ୍ତି କଟକସଦର ବ୍ଲକ କିଶନନଗର ପଞ୍ଚାୟତ ରାମଚନ୍ଦ୍ରପୁରର କୃଷ୍ଣ ଚନ୍ଦ୍ରକବି ଜନ୍ମରୁ ଦୃଷ୍ଟି ବାଧିତ । କିନ୍ତୁ ତାଙ୍କୁ ଭଗବାନ ଏ ଭଳି କଳା ଦେଇଛନ୍ତି, ତାଙ୍କୁ ଦେଖିବା ପାଇଁ ଆଖପାଖ ଅଞ୍ଚଳରୁ ସାଧାରଣ ଲୋକମାନେ ଧାଇଁ ଆସନ୍ତି।
ସେ କାହାଠାରୁ ଶିକ୍ଷା ଗ୍ରହଣ ନକରି ପାଲଟିଛନ୍ତି ବଂଶୀ ବାଦକ । ବିବାହ ସିନା କରିନାହାନ୍ତି, କିନ୍ତୁ ତାଙ୍କର ଅଛି ସଙ୍ଗିନୀ, ବଂଶୀ । ଦିନ ହେଉ କି ରାତି ଯେତେବେଳେ ଦୁଃଖ ଆସେ ବଂଶୀ ବଜାଇ ନିଜ ମନକୁ ଶାନ୍ତ କରିବା ସହ ଅନ୍ୟକୁ ବିମୋହିତ କରନ୍ତି। ବଣମଲ୍ଲି ବଣରେ ଫୁଟି ମଉଳି ନ ଯାଉ ।