କେମିତି ପାଇବେ କୋଭିଡ ଟୀକା

ନୂଆଦିଲ୍ଲୀ(ବଡ଼ ଖବର): କରୋନା ମହାମାରୀକୁ କାବୁ କରିବା ପାଇଁ ୨ଟି ଭ୍ୟାକସିନ ବାହାରିଛି । କୋଭାକ୍ସିନ ଓ କୋଭାସିଲ୍ଡ ଟୀକାଦ୍ୱୟର ସଫଳ ପରୀକ୍ଷଣ ପରେ ଏହାର ବ୍ୟବହାର ପାଇଁ ନିଷ୍ପତ୍ତି ନିଆଯାଇଛି । ଆସନ୍ତା ୧୬ ତାରିଖରୁ ଭାରତରେ କରୋନା ଟୀକାକରଣ ଆରମ୍ଭ ହେବାକୁ ଯାଉଛି । ଏଥିପାଇଁ ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ନିର୍ଦ୍ଦେଶ ଦିଆଯାଇଛି । ତେବେ ଭ୍ୟାକସିନର ଅନଲାଇନ ଡେଲିଭର ପାଇଁ କୋ-ୱିନ ଆପ୍ ର ପ୍ରସ୍ତାବ ରଖାଯାଇଛି । ଏହି ଆପ୍ ମାଧ୍ୟମରେ ଟୀକାକରଣ ସମ୍ବନ୍ଧୀୟ ସମସ୍ତ ତଥ୍ୟ ରହିବ । ତେବେ ଏହି ଆପ୍ କୁ ଡାଉନଲୋଡ କରିବା ପାଇଁ ଏପର୍ଯ୍ୟନ୍ତ ପ୍ଲେ-ଷ୍ଟୋରରେ ଏହାର ଉପଲବ୍ଧି ହୋଇନାହିଁ । ଏହାସହ ମୋବାଇଲ ନଂ କୁ ଆଧାର ସହିତ ଲିଙ୍କ କରିବାକୁ ବାଧ୍ୟତାମୂଳକ କରାଯାଇଛି ।

ଯଦି ଆପଣଙ୍କ ମୋବାଇଲ ନଂ ଆଧାର କାର୍ଡ ସହିତ ଲିଙ୍କ ନାହିଁ ତେବେ ଆପଣ କୋଭିଡ ଟୀକାରୁ ବଞ୍ଚିତ ହେବେ । କେନ୍ଦ୍ର ସରକାରଙ୍କ ନିୟମାନୁଯାୟୀ, ମୋବାଇଲ ନଂ ଲିଙ୍କ ହେବା ପରେ ଟୀକାକରଣ ପାଇଁ ଏସଏମଏସ ପଠାଯିବ ।