ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ରବିବାର ଭାରତ ଓ ଅଷ୍ଟ୍ରେଲିଆ ମଧ୍ୟରେ ବିଶ୍ୱକପ୍ ୨୦୨୩ର ଫାଇନାଲ ମ୍ୟାଚ ଆୟୋଜିତ ହେବ । ଏହି ମ୍ୟାଚରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମୁଖ୍ୟ ଅତିଥି ହୋଇପାରନ୍ତି । ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଆନ୍ଥୋନୀ ଅଲବାନୀଜ ଓ ଉପ-ପ୍ରଧାନମନ୍ତ୍ରୀ ରିଚାର୍ଡ ମାର୍ଲ୍ସଙ୍କୁ ମଧ୍ୟ ନିମନ୍ତ୍ରଣ କରାଯାଇଛି । ମ୍ୟାଚ ଦେଖିବା ପାଇଁ ଭାରତକୁ ବିଶ୍ୱବିଜେତା କରାଇଥିବା ଦୁଇ ପୂର୍ବତନ ଅଧିନାୟକ- ମହେନ୍ଦ୍ର ସିଂହ ଧୋନି ଓ କପିଳ ଦେବଙ୍କ ଅଧିନାୟକତ୍ୱରେ ଭାରତ ପ୍ରଥମ ଦିନିକିଆ ବିଶ୍ୱକପ୍ ୧୯୮୩ରେ ଚାମ୍ପିଅନ୍ ହୋଇଥିବା ବେଳେ ୨୦୧୧ରେ ଧୋନି ଭାରତକୁ ଦ୍ୱିତୀୟ ଥର ବିଶ୍ୱକପ୍ ଜିତାଇଥିଲେ । ଏହାଛଡ଼ା ଭାରତୀୟ ଖେଳାଳିଙ୍କ ପରିବାରର ସଦସ୍ୟ, ବିସିସିଆଇର ପଦାଧିକାରୀ, ଆଇସିସିର ବଡ଼ ଅଧିକାରୀ ଓ ବିଭିନ୍ନ ରାଜ୍ୟ ସଂଘର ସଦସ୍ୟ ମଧ୍ୟ ଫାଇନାଲ ଦେଖିବା ପାଇଁ ନରେନ୍ଦ୍ର ମୋଦି ଷ୍ଟାଡିୟମରେ ଉପସ୍ଥିତ ରହିବେ । ଫାଇନାଲ ମ୍ୟାଚ ଆରମ୍ଭ ହେବା ପୂର୍ବରୁ ସୂର୍ଯ୍ୟ କିରଣ ଟିମ ଏୟାର ଶୋ’ ପ୍ରଦର୍ଶନ କରିବେ । ଫାଇନାଲ ମ୍ୟାଚ ପାଇଁ ଟିମ ଇଣ୍ଡିଆ ଗୁରୁବାର ସନ୍ଧ୍ୟାରେ ଅହମ୍ମଦାବାଦରେ ପହଞ୍ଚିଥିଲା । ଟିମ ଶୁକ୍ରବାର ଅଭ୍ୟାସ କରିଥିଲା ।
