ପୂରଣ ହେଲା ମାନସିକ, ଜୋତା ପିନ୍ଧାଇଲେ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ) ମାନସିକ ପୂରଣ ହେଲା, ଜୋତା ପିନ୍ଧିଲେ । ୬ ବର୍ଷ ପରେ ପାଦରେ ଜୋତା ପିନ୍ଧିଲେ । ନିର୍ବାଚନରେ ବିଜେପି କ୍ଷମତାକୁ ଆସୁ ବୋଲି ମାନସିକ ରଖିଥିଲେ । ସେବେ ଠାରୁ ସେ ଖାଲି ପାଦରେ ଚାଲୁଥିଲେ । ମଧ୍ୟପ୍ରଦେଶର ଅନୁପୁର ବିଜେପି ଜିଲ୍ଲା ସଭାପତି ରାମଦାସ ପୁରୀ । ଆସନ୍ତା ନିର୍ବାଚନରେ ମଧ୍ୟପ୍ରଦେଶରେ ବିଜେପିର ବିଜୟ କାମନା କରି ରାମଦାସ ପୁରୀ ଜୋତା ପିନ୍ଧିବେନି ବୋଲି ୨୦୧୭-୧୮ ମସିହାରେ ମାନସିକ ରଖିଥିଲେ ।

ସେହି ଦିନଠାରୁ ସେ ଜୋତା କି ଚପଲ କିଛି ବି ବ୍ୟବହାର କରୁନଥିଲେ । ଖାଲିପାଦରେ ରହି ମାନସିକ ପୂରଣ ପାଇଁ ପ୍ରାର୍ଥନା କରୁଥିଲେ । ମାନସିକ ପୂରଣ ହେବା ପରେ ଅନୁପୁର ବିଜେପି ଜିଲ୍ଲା ସଭାପତି ରାମଦାସ ପୁରୀଙ୍କୁ ଜୋତା ପିନ୍ଧାଇଛନ୍ତି ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ । ମଧ୍ୟପ୍ରଦେଶରେ ପ୍ରଚଣ୍ଡ ବହୁମତ ସହ ବିଜେପିର ବିରାଟ ବିଜୟ ହୋଇଛି । ୨୩୦ ଆସନରୁ ୧୬୫ ଆସନ ଅର୍ଥାତ ଦୁଇ ତୃତୀୟାଂଶରୁ ଅଧିକ ସିଟ୍ ଜିତିଛି ବିଜେପି ।