ଛୁରାମାଡ଼ରେ ଜୀବନ ଗଲା

ବ୍ରହ୍ମପୁର, (ବଡ଼ ଖବର ବ୍ୟୁରୋ): ଛୁରି ଭୁଶି ଯୁବକଙ୍କୁ ହତ୍ୟା । ଆଜି ସକାଳୁ ସକାଳୁ ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ବନ୍ଥପଲ୍ଲୀ ଗ୍ରାମରେ ଘଟିଛି ଏଭଳି ଏକ ହତ୍ୟାକାଣ୍ଡ । ମୃତକ ଜଣକ ବଚନ ସ୍ୱାଇଁ ବୋଲି ଜଣାପଡ଼ିଛି । ଆଜି ସକାଳେ ବନ୍ଥପଲ୍ଲୀ ଅଞ୍ଚଳରେ ଜଣେ ଯୁବକଙ୍କ ସହ ବଚନର ପୂର୍ବଶତ୍ରୁରୁ ଗଣ୍ଡଗୋଳ ହୋଇଥିଲେ । ଏଥିରେ ଉତକ୍ଷିପ୍ତ ହୋଇ ଯୁବକ ଜଣକ ବଚନକୁ ଛୁରୀ ଭୁଶି ଫେରାର ହୋଇଯାଇଥିବା ଜଣାପଡ଼ିଛି । ଗୁରୁତର ବଚନଙ୍କୁ ବ୍ରହ୍ମପୁର ଏମସିଜିରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ବଚନ ଜଣେ ପେସାଦାର ଅପରାଧୀ । ତାଙ୍କ ନାମରେ ବହୁ ଅପରାଧିକ ମାମଲା ରହିଛି ।