ପାଚେରି ଡେଇଁଲେ ନାଗାସାଧୁ

ବ୍ରହ୍ମଗିରି (ବଡ଼ ଖବର ବ୍ୟୁରୋ): ମନ୍ଦିର ଖୋଲିବା ଦାବିରେ କରୋନା ନିୟମ ଭାଙ୍ଗିଲେ ନାଗାସାଧୁ ବୈଷ୍ଣବ ପୁରୀ । ମନ୍ଦିର ବନ୍ଦ ଥିବାରୁ ପାଚେରି ଡେଉଁ ପ୍ରଭୁ ଅଲାରନାଥଙ୍କୁ କଲେ ଦର୍ଶନ । କହିଲେ ସରକାରଙ୍କ ସତ ସାହସ ଅଛି ତ ମନ୍ଦିର ଖୋଲ, ନହେଲେ ମୋତେ ଆରେଷ୍ଟ କର । ମନ୍ଦିର ଖୋଲିବାକୁ ପୁରୀ ଲଙ୍ଗୁଳି ମଠର ନାଗାସାଧୁ ବୈଷ୍ଣବ ପୁରୀଙ୍କ ଆଜି ଥିଲା ଏଭଳି ଅଭିନବ ପ୍ରତିବାଦ । କରୋନା କଟକଣା ପାଇଁ ବନ୍ଦ ରହିଛି ମନ୍ଦିର । ମାତ୍ର ଖୋଲା ରହିଛି ସପିଙ୍ଗମଲ, ପାର୍କ, ହେଟେଲ ଓ ବେଳାଭୂମି । ଏପରିକି ଚାଲିଛି କୋଣାର୍କ ମହୋତ୍ସବ । ହେଲେ ମନ୍ଦିର ଖୋଲୁନି । ସରକାରଙ୍କ ଦୋମୁହାଁ ନୀତିକୁ ଖୋଲା ଚ୍ୟାଲେଞ୍ଜ କରିଛନ୍ତି ସାଧୁ ବୈଷ୍ଣବ ।