ସାମ୍ବାଦିକଙ୍କୁ ଆକ୍ରମଣ କଲେ ପୋଲିସ

କେନ୍ଦ୍ରାପଡ଼ା(ବଡ଼ ଖବର ବ୍ୟୁରୋ): ସାମ୍ବାଦିକଙ୍କୁ ଆକ୍ରମଣ କଲେ ପୋଲିସ । ଫଟୋ ଉତ୍ତୋଳନ କରିବାରୁ ଆକ୍ରମଣ । କେନ୍ଦ୍ରାପଡ଼ାର ଜଣେ ସାମ୍ବାଦିକଙ୍କୁ ମହିଳା ରିଜର୍ଭ କନେଷ୍ଟବଳ ମାଡ଼ ମାରିଛନ୍ତି । କେନ୍ଦ୍ରାପଡ଼ା ଜିଲ୍ଲା ଏସିପିଙ୍କ ଅଫିସ ଆଗରେ ବିନା ମାକ୍ସରେ ଡିଉଟି କରୁଥିଲେ ମହିଳା କନେଷ୍ଟବଳ । ଏସ.ପି ଅଫିସ ଆଗରେ ଜିଲ୍ଲା ବିଜେପିର ବିକ୍ଷୋଭ ଚାଲୁଥିବା ସମୟରେ ଏହି ଘଟଣା । ବିନା ମାକ୍ସରେ ଡିଉଟି କରୁଥିବା ଦେଖି ସାମ୍ବାଦିକ ଜଣକ ଫଟୋ ଉତ୍ତାଳନ କରିଥିଲେ ।

ସରକାରଙ୍କ କୋଭିଡ ଗାଇଡ ଲାଇନକୁ ବେଖାତିର କରୁଥିବା ନେଇ ସାମ୍ବାଦିକ ଫଟୋ ଉଠାଇଥିଲେ । ତେବେ ଏହା ଦେଖି ଉକ୍ତ ମହିଳା କନେଷ୍ଟବଳ ରାଗି ଯାଇ ଲୋକଙ୍କ ଆଗରେ ସାମ୍ବାଦିକଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିବା ସହ ଚାପୁଡା ପରେ ଚାପୁଡ଼ା ମାରି ଚଳିଥିଲେ଼ । ହେଲେ ଏସବୁକୁ ଦେଖି ମଧ୍ୟ ବିଜେପି କର୍ମୀ ଚୁପ ରହିଥିଲେ। ଯାହାକୁ ନେଇ ସାଧାରଣ ଲୋକ ମାନେ ନିନ୍ଦା କରିଛନ୍ତି ।