ସମ୍ବଲପୁର(ବଡ଼ ଖବର ବ୍ୟୁରୋ): ନାକଟିଦେଉଳ ବ୍ଲକ ଅଞ୍ଚଳରେ ଦୀର୍ଘ ବର୍ଷ ପରେ ପୁଣିଥରେ ଗଞ୍ଜେଇ ଚାଷର ବାସ୍ନା ମହକି ଉଠିଛି । ଗତକାଲି ଚଢାଉରୁ ଏହା ଜଣାପଡ଼ିଛି । ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ ଜାମୁଯୋରୀ ପଞ୍ଚାୟତ ତଳନାଳୀ ଗ୍ରାମ ସଂରକ୍ଷିତ ଜଙ୍ଗଲରେ ଗଞ୍ଜେଇ ଚାଷ ହେଉଥିଲା । ଖବର ପାଇ ପୋଲିସ, ଅବକାରୀ ବିଭାଗ ଓ ବନ ବିଭାଗ ଅଧିକାରୀ ମିଳିତ ଚଢାଉ କରିଥିଲେ । ଚଢାଉରେ ୪୦ ଡ଼ିସିମିଲ ଜମିରୁ ୨୪୦ ଟି ପରିପକ୍ୱ ଗଞ୍ଜେଇ ଗଛ ପୋଡି଼ ନଷ୍ଟ କରିଦିଆଯାଇଛି । ଏହାର ଆନୁମାନିକ ମୂଲ୍ୟ ଅଢେଇ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି । ରେଢାଖୋଲ ଏସଡିପି଼ିଓଙ୍କ ସହ ନାକଟିଦେଉଳ ଏସଆଇ, ଅବକାରୀ ନିରୀକ୍ଷକ, ରାଇଲ ଫରେଷ୍ଟର ସାମିଲ ଥିଲେ । ଗତ ୨୦୦୦ ମସିହାରୁ ଏହି ଚାଷ ଆରମ୍ଭ ହୋଇ ବିଭିନ୍ନ ଗ୍ରାମକୁ ବ୍ୟାପିଥିଲା । ଲଗାତାର ଚଢାଉ ପରେ ୪ ବର୍ଷ ଏହା ବନ୍ଦ ଥିଲା । ପ୍ରଶାସନ ଆଢୁଆଳରେ ରହି ପୁଣି କିଛି ମାଫିଆ ଏହି ଚାଷ ଆରମ୍ଭ କରିଛନ୍ତି ।
