ଡାହୁକ ଡାକରେ ଆଜି ପୁଣି ଗଡିବ ରଥ

ପୁରୀ (ବଡ଼ ଖବର ବ୍ୟୁରୋ): ନବଦିନାତ୍ମକ ଯାତ୍ରା ଘୋଷଯାତ୍ରା । ଶ୍ରୀଗୁଣ୍ଡିଚା ମନ୍ଦିର ଅଭିମୁଖେ ଶ୍ରୀବଳଭଦ୍ର, ଦେବୀ ସୁଭଦ୍ରା ଓ ଶ୍ରୀଜଗନ୍ନାଥ । ଜନ୍ମବେଦୀରେ ପହଞ୍ଚିଛନ୍ତି ବଡ଼ଠାକୁର । ମା ସୁଭଦ୍ରାଙ୍କ ରଥ ବଡ଼ଶଙ୍ଖ ପାଖରେ ଅଟକିରହିଛି । ମାଉସୀ ମାଆ ମନ୍ଦିର ନିକଟରେ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥ ଅଟକି ରହିଛି । ରାତି ହୋଇଯିବାରୁ ରଥଟଣା ସ୍ଥଗିତ ରଖାଯାଇଛି । ଆଜି ସକାଳ ୯ ଟାରେ ପୁଣିଥରେ ଆରମ୍ଭ ହେବ ରଥଟଣା ।

ଡାହୁକ ଡ଼ାକରେ ପୁଣି ଗଡ଼ିବ ରଥ । ଭକ୍ତ ମେଳରେ ଜନ୍ମବେଦୀରେ ଯାଇ ପହଞ୍ଚିବେ ଭାଇ ଭଉଣୀ । ବଡ଼ଦାଣ୍ଡ ହୋଇଛି ଲୋକାରଣ୍ୟ । ଭକ୍ତଙ୍କ ଗହଳି ଲାଗି ରହିଛି । ଭଜନ କୀର୍ତନରେ ଭକ୍ତିମୟ ପରିବେଶ ସୃଷ୍ଟି ହୋଇଛି । ଘଂଟନାଦ ସାଙ୍ଗକୁ ଭକ୍ତଙ୍କ ହରିବୋଲ, ଜୟ ଜଗନ୍ନାଥ ଡାକରେ ପ୍ରକମ୍ପିତ ହେଉଛି ପୂରା ପରିବେଶ ।