ବିବାଦ ଗଡ଼ୁଛି, ମୁଖ୍ୟମନ୍ତ୍ରୀ ଚୁପ କାହିଁକି: ନରସିଂହ ମିଶ୍ର

ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଲିଉଡ ବିବାଦ । ପୁଣି ପ୍ରତିକ୍ରିୟା ଦେଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । କହିଛନ୍ତି ପଶ୍ଚିମ ଓ ପୂର୍ବ ଓଡ଼ିଶା ବିବାଦ ହିଁ ମୁଖ୍ୟମନ୍ତ୍ରୀ କରିବେ। ମୁଖ୍ୟମନ୍ତ୍ରୀ ଚୁପ୍ କାହିଁକି? ମୁଖ୍ୟମନ୍ତ୍ରୀ ଚାହୁଁଛନ୍ତି ଓଡ଼ିଶାକୁ ଦୁଇ ଭାଗ କରିବାକୁ। ଯଦି କିଛି ହୁଏ ସେଥିପାଇଁ ମୁଖ୍ୟମନ୍ତ୍ରୀ ଦାୟୀ।

ସେ ଆହୁରି ମଧ୍ୟ କହିଛନ୍ତି ମନୋଜ ମିଶ୍ରଙ୍କୁ ବୟକଟ କରିବା ଠିକ୍ ନୁହେଁ । ତାଙ୍କ ମତ କିଛି ନ ନେଇ ଏମିତି କାହିଁକି କଲେ। ବାଦ୍ ଦେବା ପୂର୍ବରୁ ଡାକିଲେନି କାହିଁକି? ଏବେ କାହିଁକି ଡାକୁଛନ୍ତି ? ବୟକଟ ଉଠାନ୍ତୁ ତାପରେ କଥାବାର୍ତ୍ତା ବୋଲି କହିଛନ୍ତି ନରସିଂହ । ପଶ୍ଚିମ ଓଡ଼ିଶାରେ ନିଆଁ ଜଳୁଛି। ପୂର୍ବ ଓଡ଼ିଶାର କିଛି ଖଳ ଲୋକେ ଯେଉଁ ଭାଷା ବ୍ୟବହାର କରୁଛନ୍ତି ତାହା ଠିକ୍ ନୁହେଁ। ମତେ ବିବାଦର ଅନ୍ତ ପାଇଁ ମଧ୍ୟସ୍ଥ ପାଇଁ ଯଦି କହିବେ ମୁଁ ହସ୍ତକ୍ଷେପ କରିବି । ଡାକିକି ଆଲୋଚନା କରିବି।