ମାଣିକଙ୍କୁ ମିଳୁନି ପକ୍କାଘର

ନରସିଂହପୁର, (ବଡ଼ ଖବର ବ୍ୟୁରୋ): ବାଟ ହୁଡୁଛି ଆବାସ ଯୋଜନା । ଥିଲାବାଲାଙ୍କୁ ମିଳୁଛି ଆବାସ ଯୋଜନା । ଯୋଗ୍ୟ ହିତାଧିକାରୀ ବାଦ୍ ପଡ଼ୁଛି । କଟକ ଜିଲ୍ଲା ନରସିଂହପୁର ବ୍ଲକ କାନପୁର ପଞ୍ଚାୟତ ମାନପୁର ଗାଁରେ ଦେଖିବାକୁ ମିଳିଛି ଏହାର ଉଦାହରଣ ।

କାନପୁର ଗାଁର ମାଣିକ ପ୍ରଧାନ । ସ୍ୱାମୀ ବିନୋଦ ପ୍ରଧାନଙ୍କ ମୃତ୍ୟୁପରେ ପୁଅ- ଝିଅଙ୍କୁ ମଣିଷ କରିବା ପାଇଁ ପରଘରେ ମୂଲ ଲାଗୁଛନ୍ତି । ଝିଅକୁ ବାହା ଦେବା ପରେ ଏବେ ମା’ପୁଅ ଭଙ୍ଗା ଦଦରା ଘରେ ଜୀବନ କାଟୁଛନ୍ତି । ଝାଟିମାଟି ଚାଳଛପର ଘର କେତେବେଳେ ଯେ ଭୁଶୁଡି ପଡ଼ିବ କହିହେଉ ନାହିଁ । ଆବାସ ଯୋଜନାରେ ପକ୍କାଘର ଲାଗି ପ୍ରଶାସନିକ ଅଧିକାରୀଙ୍କଠାରୁ ଆରମ୍ଭ କରି ରାଜନେତାଙ୍କୁ ଗୁହାରି କରିଥିଲେ ସୁଦ୍ଧା ଫଳାଫଳ ଶୂନ । ନିରାଶ୍ରୟ ବିଧବା ମାଣିକଙ୍କୁ ଆବାସ ଯୋଜନାରେ ଅନ୍ତର୍ଭୁକ୍ତ କରିବାକୁ ଗ୍ରାମବାସୀ ଦାବି କରିଛନ୍ତି । ଆବାସ ଯୋଜନାରେ ପକ୍କାଘର ଖଣ୍ଡେ ମିଳିଲେ ବାକି ଜୀବନ କାଟି ଦିଅନ୍ତି ବୋଲି କହିଛନ୍ତି ମାଣିକ ।