ନୂଆ ସଂସଦ ଭବନର ଭୂମି ପୂଜନ

ଭୁବନେଶ୍ୱର(ବଡ଼ ଖବର ବ୍ୟୁରୋ): ନୂଆ ସଂସଦ ଭବନର ଭୂମି ପୂଜା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରଧାନମନ୍ତ୍ରୀ ମୋଦୀ ସଂସଦ ଭବନର ଅଧାରଶିଳା ରଖିଛନ୍ତି । ଏହି କାର୍ଯ୍ୟକ୍ରମରେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ସମେତ ବହୁ କେନ୍ଦ୍ର ମନ୍ତ୍ରୀ ଓ ରତନ ଟାଟା ମଧ୍ୟ ଉପସ୍ଥିତ ଅଛନ୍ତି । ଏହି ଭୂମି ପୂଜନ କାର୍ଯ୍ୟକ୍ରମରେ ସବୁ ଧର୍ମର ପ୍ରତିନିଧିମାନେ ଉପସ୍ଥିତ ରହିଛନ୍ତି । କିଛି ଧର୍ମର ଧର୍ମ ଗୁରୁ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହିଛନ୍ତି । ଏହି ନୂଆ ସଂସଦ ଭବନ ୨୦୨୨ ମସିହା ସୁଦ୍ଧା ଶେଷ ହେବ ବୋଲି ସମୟ ଧାର୍ଯ୍ୟ ହୋଇଛି । ଏହି ଭବନ ତିନି ମହଲା ବିଶିଷ୍ଠ ଅଟେ । ଏହି ଭବନ ନିର୍ମାଣ କାର୍ଯ୍ୟ ନୂଆ ସଂସଦ ଭବନ ୬୪ ହଜାର ୫୦୦ ବର୍ଗ ମିଟର ଏରିଆରେ ନିର୍ମାଣ ହେବାକୁ ଯାଉଛି ।

ଏହି ଭବନ ନିର୍ମାଣରେ ପ୍ରାୟ ୯୭୧ କୋଟି ଟଙ୍କା ଖର୍ଚ୍ଚ ହେବ ବୋଲି ସୂଚନା ମିଳିଛି । ଏହି ଭବନର ଡିଜାଇନ ଅହମଦାବାଦର ଏଚସିପି ଡିଜାଇନ ମ୍ୟାନେଜମେଣ୍ଟ କରିଛି । ଏହି ଭବନର କାର୍ଯ୍ୟ ଟାଟା ପ୍ରୋଜେକ୍ଟ କରିବ । ନୂଆ ସଂସଦ ଭବନରେ ୧୨୨୪ ଜଣ ଏମପିଙ୍କ ବସିବାର କ୍ଷମତା ରହିଛି । ଲୋକସଭା ରାଜ୍ୟସଭା ପରି ଏହି ନୂଆ ସଂସଦ ଭବନରେ ବଡ଼ ସମ୍ବିଧାନ ହଲ ମଧ୍ୟ ରହିଛି । ଏହି ନୂଆ ସଂସଦ ଭବନରେ ପ୍ରତ୍ୟେକ ଏମପିଙ୍କ ପାଇଁ ସ୍ୱତନ୍ତ୍ର ଅଫିସ ରହିବ ।