ଲାଗୁହେଲା ନାଇଟ୍ କର୍ଫ୍ୟୁ

ମୁମ୍ବାଇ(ବଡ଼ ଖବର ବ୍ୟୁରୋ): ମହାରାଷ୍ଟ୍ରରେ ବଢିଲା ନୂଆ କରୋନା ସଂକ୍ରମଣର ଭୟ ।  ପୁଣି ଥରେ ମହାରାଷ୍ଟ୍ରରେ ଲାଗୁହେଲା ନାଇଟ୍ କର୍ଫ୍ୟୁ । ରାଜଧାନୀ ମୁମ୍ବାଇ ସମେତ ରାଜ୍ୟର ସମସ୍ତ ପୌରପାଳିକା ନିଗମ କ୍ଷେତ୍ରରେ ଏହି ରାତ୍ରୀକାଳିନ କର୍ଫ୍ୟୁ ଲାଗୁ ହୋଇଛି । ରାତି ୧୧ଟା ପାଖରୁ ସକାଳ ୬ଟା ପର୍ଯ୍ୟନ୍ତ ଏହି ନାଇଟ କର୍ଫ୍ୟୁ ବଳବତର ରହିବ ।

ଆଜି ଠାରୁ ଆସନ୍ତା ୫ ତାରିଖ ଯାଏଁ ୧୪ ଦିନ ଧରି ଏହି କର୍ଫ୍ୟୁ ଲଗାଇଛନ୍ତି ମହାରାଷ୍ଟ୍ର ସରକାର । ବ୍ରିଟେନରେ ଦେଖାଦେଇଥିବା ନୂଆ ଧରଣର ସଂକ୍ରମଣକୁ ଦୃଷ୍ଟିରେ ରଖି ମହାରାଷ୍ଟ୍ର ସରକାର ଏପରି ନିଷ୍ପତି ନେଇଛନ୍ତି । ଏହା ସହିତ ବ୍ରିଟେନ କିମ୍ବା ଅନ୍ୟ ସ୍ଥାନରୁ କୌଣସି ୟୁରୋପ ରାଷ୍ଟ୍ରରୁ ଆସିଥିବା ବ୍ୟକ୍ତିମାନେ ୧୪ ଦିନିଆ ସଙ୍ଗାରୋଧରେ ରହିବାକୁ ପଡ଼ିବ । ଏହାସହିତ ଯେଉଁମାନେ ହୋମ କ୍ୱାରେଣ୍ଟାଇନରେ ରହିବେ ସେମାନଙ୍କ ହାତରେ ପୂର୍ବପରି ଷ୍ଟାମ୍ପ ଲଗାଯିବ ।