ବିରଳ ମୂର୍ତ୍ତି ଚୋରି

ବାଣପୁର(ବଡ଼ ଖବର ବ୍ୟୁରୋ): ମନ୍ଦିରରୁ ଚୋରି । ଦୁବୁର୍ତ୍ତମାନେ ଅଷ୍ଟ ଧାତୁ ନିର୍ମିତ ୨୨ଟି ବିରଳ ମୂର୍ତ୍ତି ନେଇ ଚମ୍ପଟ । ଖୋର୍ଦ୍ଧା ଜିଲ୍ଲା ବାଣପୁରର ଦକ୍ଷେଶ୍ୱର ମନ୍ଦିରରେ ଘଟିଛି ଏଭଳି ଘଟଣା । ଆଜି ସକାଳେ ମନ୍ଦିରର ପୂଜକ ମନ୍ଦିର ଖୋଲିଲାବେଳକୁ ୩୧ଟି ମୂର୍ତ୍ତି ମଧ୍ୟରୁ ୨୨ଟି ମୂର୍ତ୍ତି ନଥିବା ଦେଖିବାକୁ ପାଇଥିଲେ । ସଙ୍ଗେସଙ୍ଗେ ସେ ମନ୍ଦିର ପରିଚାଳନା କମିଟିକୁ ଜଣାଇଥିଲେ । ପରିଚାଳନା କମିଟି ପକ୍ଷରୁ ଖବର ପାଇ ବାଣପୁର ପୋଲିସ ଘଟଣାର ତଦନ୍ତ ଆରମ୍ଭ କରିଛି । ପୂର୍ବରୁ ଏହି ମନ୍ଦିରରୁ ଦୁଇଥର ମୂର୍ତ୍ତି ଚୋରି ହୋଇଛି । ବର୍ତ୍ତମାନ ଚୋରି ହୋଇଥିବା ମୂର୍ତ୍ତି ଗୁଡ଼ିକ ହେଲା ମା’ କନକ ଦୁର୍ଗା, ଗୋପୀନାଥ, କଳିଜୁଗେଶ୍ୱର ଓ ଚନ୍ଦ୍ରଶେଖର ପ୍ରଭୃତି ।