ଖେଳ ଛାଡ଼ି ପାଠ ପଢ଼ିବାକୁ କହିବାରୁ ଆତ୍ମହତ୍ୟା
ତାମିଲନାଡୁ(ବଡ଼ ଖବର ବ୍ୟୁରୋ): ୯ ବର୍ଷୀୟ ‘ଇନ୍ଷ୍ଟା କ୍ୱିନ୍’ଙ୍କ ଆତ୍ମହତ୍ୟା । ସାମାନ୍ୟ କଥାକୁ ନେଇ ଜୀବନ ହାରିଲେ ନାବାଳିକା । ପାଠ ପଢବା ପାଇଁ କହିବାରୁ ଆତ୍ମହତ୍ୟା କରିଛନ୍ତି । ଏଭଳି ଘଟଣା ସାମ୍ନାକୁ ଆସିଛି ତାମିଲନାଡୁର ପୋରିୟାକୁପ୍ପମରୁ । ମୃତ ନାବାଳିକାଙ୍କ ନାଁ ପ୍ରତୀକ୍ଷା। ପଡ଼ୋଶୀମାନେ ପ୍ରତୀକ୍ଷାଙ୍କୁ ‘ଇନ୍ଷ୍ଟା କ୍ୱିନ୍’ ବୋଲି ଡାକୁଥିଲେ । ପ୍ରତୀକ୍ଷାଙ୍କୁ ଘର ବାହାରେ ଖେଳୁଥିବା ବେଳେ ବାପା କ୍ରିଷ୍ଣାମୂର୍ତ୍ତି ପାଠ ପଢ଼ିବା ପାଇଁ କହିଥିଲେ। ଏହାପରେ ଘରର ଚାବି ଦେଇ ବାହାରକୁ ଚାଲିଯାଇଥିଲେ ।
ରାତି ପ୍ରାୟ ୮ଟା ସମୟରେ ଘରେ ପହଞ୍ଚିବା ପରେ ଘରର କବାଟ ବନ୍ଦଥିଲା । କ୍ରିଷ୍ଣାମୂର୍ତ୍ତି ଝରକା ଭାଙ୍ଗି ଘର ଭିତରକୁ ପଶିଥିଲେ। ପ୍ରତୀକ୍ଷା ଟାୱେଲରେ ଝୁଲି ପଡ଼ିଥିବା ବେଳେ ଯନ୍ତ୍ରଣାରେ ଛଟପଟ ହେଉଥିବା ବାପା ଦେଖିଥିଲେ । ପ୍ରତିକ୍ଷାଙ୍କୁ ସଙ୍ଗେ ସଙ୍ଗେ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା। ଦୁର୍ଭାଗ୍ୟବଶତଃ, ସେଠାରେ ତାଙ୍କର ମୃତ୍ୟୁ ହୋଇଥିଲା। ଅନ୍ୟପକ୍ଷେ ଘଟଣାକୁ ନେଇ ପୋଲିସ୍ ତଦନ୍ତ ଚଳାଇଛି। ପ୍ରକୃତରେ ତାଙ୍କ ମୃତ୍ୟୁ ପଛର କାରଣ କ’ଣ ସେନେଇ ପୋଲିସ୍ ତଦନ୍ତ କରୁଛି।