୩ ଜଣ ପାଇବେ ନୋବେଲ

ସ୍ୱିଡେନ(ବଡ଼ ଖବର ବ୍ୟୁରୋ): ମେଡିସିନ୍ ପାଇଁ ଘୋଷଣା ହେଲା ନୋବେଲ ପୁରସ୍କାର । ଯୁଗ୍ମ ଭାବେ ୩ ଜଣଙ୍କୁ ବିଶ୍ୱର ସର୍ବୋଚ୍ଚ ସମ୍ମାନ ମିଳିବ । ହେପାଟାଇଟିସ୍-ସି ଭୂତାଣୁର ଚିହ୍ନଟ ପାଇଁ ହାର୍ଭେ ଜେ. ଅଲଟର, ମାଇକେଲ ହଟନ ଓ ଚାର୍ଲସ ଏମ. ରାଇସ ନୋବେଲ ପୁରସ୍କାର ପାଇବେ । ନୋବେଲ କମିଟିର ମୁଖ୍ୟ ଥୋମାସ୍ ପର୍ଲମାନ ଏହି ଘୋଷଣା କରିଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନ ଆକଳନ କରିଛି ଯେ ବିଶ୍ୱରେ ହେପାଟାଇଟିସରେ ପ୍ରତି ବର୍ଷ ୭୦ ନିୟୁତ ଆକ୍ରାନ୍ତ ହେଉଥିବା ବେଳେ ଚାରି ଲକ୍ଷ ଲୋକ ମୃତ୍ୟୁ ବରଣ କରୁଛନ୍ତି । କରୋନା ମହାମାରୀ ହେତୁ ଚଳିତ ବର୍ଷ ଔଷଧ ପୁରସ୍କାର ବିଶେଷ ମହତ୍ୱ ବହନ କରିଥଲା, ଯାହା ବିଶ୍ୱ ସମାଜ ତଥା ଅର୍ଥନୀତି ପାଇଁ ଡ଼ାକ୍ତରୀ ଅନୁସନ୍ଧାନର ଗୁରୁତ୍ୱକୁ ଦର୍ଶାଇଛି ।