ସୋର (ବଡ଼ ଖବର ବ୍ୟୁରୋ): ପୁଅଟିଏ ପାଇଁ କେତେ ଦିଅଁ ଦେବତାଙ୍କୁ ମାନସିକ କରି କେତେ ବ୍ରତ ଉପବାସ କରିଥାଏ ମା’। ପୁଅ ଟିଏ ହେଲେ ବୃଦ୍ଧ ବେଳର ସାହାରା ହେବ । ହେଲେ ଆଜିର ସ୍ୱାର୍ଥପର ସମାଜରେ ପୁଅଟିଏ ସାହାରା ହେବାତ ଦୂରର କଥା ଭଲରେ ଗଣ୍ଡେ ଖାଇବାକୁ ନଦେଇ ଘରୁ ତଡି ଦେଉଛନ୍ତି ।
ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ସୋର ଥାନା ଚହଳିମା ଗ୍ରାମରେ । ଏହି ଗ୍ରାମର ସ୍ୱର୍ଗତ ଭାଗିରଥି ସାହୁଙ୍କ ସ୍ତ୍ରୀ ମାଳତୀ ସାହୁଙ୍କ ଦୁଇ ପୁଅ ବୋହୂ ଖାଇବାକୁ ନଦେଇ ଘରୁ ତଡି ଦେଇଥିବା ସୋର ଥାନାରେ ଅଭିଯୋଗ କରିଛନ୍ତି । ମାଳତୀଙ୍କ ଦୁଇ ପୁଅ ରବିନ୍ଦ୍ର ଓ ରାଜେନ୍ଦ୍ର । ମା ଆଶା କରିଥିଲେ ଦୁଇ ପୁଅ ବୃଦ୍ଧାବସ୍ଥାରେ ମା’ଙ୍କ ସାହାରା ହେବେ । ମାତ୍ର ପୁଅ ବୋହୂ ଖାଇବାକୁ ଦିଅନ୍ତି ନାହିଁ । ମାଳତୀ ପାଉଥିବା ସରକାରୀ ଭତ୍ତା ଟଙ୍କାକୁ ଧାର ଆକରରେ ମାଗି ନେଇଥିଲେ ।
ସାନ ପୁଅ ମାଳତୀ ଟଙ୍କା ମାଗିବାରୁ ଗାଳି ଗୁଲଜ କରିବା ସହ ମା ମାଳତୀକୁ ଚୂଲିରେ ରୋଷେଇ କରିବାକୁ ମଧ୍ୟ ଦେଉନଥିବା ବୃଦ୍ଧା ମା’ ଜଣକ ଥାନାରେ ଅଭିଯୋଗ କରିଛନ୍ତି । ଶେଷରେ ମାଆଙ୍କୁ ବୃଦ୍ଧାବସ୍ଥାରେ ଘରୁ ତଡି ଦେଇଛନ୍ତି । ବୃଦ୍ଧା ମା’ ଜଣକ ଏବେ ନ୍ୟାୟ ପାଇଁ ଥାନାର ଦ୍ୱାରସ୍ଥ ହୋଇଛନ୍ତି ।
