ସରକାରୀ ଯୋଜନା ଭତ୍ତାରୁ ବଞ୍ଚିତ ମଙ୍ଗୁଳି

ବୈପାରିଗୁଡା(ବଡ଼ ଖବର ବ୍ୟୁରୋ): ସରକାରଙ୍କ ବିଭିନ୍ନ ପ୍ରକାରର ଭତ୍ତା ଯୋଜନା ରହିଛି । ୬୦ ବର୍ଷ ବୟସର ବୃଦ୍ଧବୃଦ୍ଧାମାନଙ୍କୁ ୫ଶହ ଟଙ୍କା ଏବଂ ୭୦ ବର୍ଷ ବୟସ୍କ ମାନଙ୍କ ପାଇଁ ୭ ଶହ ଟଙ୍କା ବାର୍ଦ୍ଧକ୍ୟ ଭତ୍ତା ରହିଛି । ପ୍ରଶାସନିକ ଅଧିକାରୀଙ୍କ ଅବହେଲା ଯୋଗୁଁ ୭୨ ବର୍ଷ ବୟସ ହୋଇଥିଲେ ମଧ୍ୟ ଭତ୍ତା ପାଇବାରୁ ବଞ୍ଚିତ ରହିଛନ୍ତି । କୋରାପୁଟ ଜିଲ୍ଲା ବୈପାରିଗୁଡା ବ୍ଲକ ଅନ୍ତର୍ଗତ ରାମଗିରି ପଞ୍ଚାୟତର କୁମ୍ଭୀଖାରି ଗ୍ରାମର ମଙ୍ଗୁଳି ଖରା । ୭୨ ବର୍ଷ ହୋଇଥିଲେ ମଧ୍ୟ ବଞ୍ଚିତ ଅଛନ୍ତି ଭତ୍ତା ଯୋଜନାରୁ । ପଞ୍ଚାୟତ ଠାରୁ ଆରମ୍ଭ କରି ବ୍ଳକ କାର୍ୟ୍ୟାଳୟ ପର୍ଯ୍ୟନ୍ତ ସବୁଠି ଆବେଦନ କରିଛନ୍ତି । ଆଜି ପର୍ଯ୍ୟନ୍ତ ଭତ୍ତା ପାଇନାହାନ୍ତି । ଯଥାଶୀଘ୍ର ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ମଙ୍ଗୁଳି ଖରାଙ୍କୁ ଭତ୍ତା ଯୋଗାଇ ଦେବାକୁ ଦାବି ହେଉଛି ।