ବିପଦରେ ଅଲିଭ ରିଡଲେ

ବ୍ରହ୍ମଗିରି (ବଡ଼ ଖବର ବ୍ୟୁରୋ): ବ୍ରହ୍ମଗିରି ବେଳାଭୂମିରେ ଅଲିଭ ରିଡଲେ କଇଁଛଙ୍କ ସୁରକ୍ଷା ବ୍ୟବସ୍ଥାକୁ ନେଇ ଉଠିଛି ପ୍ରଶ୍ନ । ବେଳାଭୂମିରେ ଶହ ଶହ ଅଲିଭ ରିଡଲେଙ୍କ ମୃତଦେହ ମିଳିଛି । ଅଲିଭ ରିଡଲେଙ୍କ ସୁରକ୍ଷା ପାଇଁ ଉପକୂଳ ଠାରୁ ୫କିଲୋମିଟର ପର୍ଯ୍ୟନ୍ତ ମାଛ ଧରିବାକୁ ବାରଣ କରାଯାଇଛି । କିନ୍ତୁ ବେଆଇନ ଟ୍ରଲର ଚାଲାଣ ଯୋଗୁଁ ଶହ ଶହ କଇଁଛଙ୍କ ମୃତ ଦେହ ବ୍ରହ୍ମଗିରି ରେଞ୍ଜର ହରଚଣ୍ଡୀ ମୁହାଣରେ ଦେଖିବାକୁ ମିଳିଛି । ଏନେଇ ବ୍ରହ୍ମଗିରି ବନ୍ୟପ୍ରାଣୀ ବନବିଭାଗ ଅଧିକାରୀଙ୍କୁ ଯୋଗାଯୋଗ କରିଥିଲେ ମଧ୍ୟ ପ୍ରତିକ୍ରିୟା ମିଳିପାରିନାହିଁ ।