ବାଲେଶ୍ୱର (ବଡ଼ ଖବର ବ୍ୟୁରୋ): ପୁଣି ଜଳେଶ୍ୱରରୁ ଧରା ହେଲା ଧଳା ଜହର । ଦେଢ଼ କେଜିରୁ ଉର୍ଦ୍ଧ୍ୱ ଧଳା ଜହର ଜବତ ହେବା ସହ ଜଣଙ୍କୁ ଗିରଫ କରିଛି ପୋଲିସ । ବାଲେଶ୍ଵର ଜିଲ୍ଲା ଜଳେଶ୍ଵର ପାଲଟିଛି ଧଳା ଜାହରର ହବ ସେଣ୍ଟର । ଦିନକୁ ଦିନ ବଢ଼ିବାରେ ଲାଗିଛି ଧଳା ଜହର କାରବାର । ଜଳେଶ୍ଵର ଓଡିଶା ଏବଂ ପଶ୍ଚିମବଙ୍ଗ ସୀମାନ୍ତରେ ହୋଇଥିବାରୁ ପ୍ରତ୍ୟେକ ଦିନ ବିଭିନ୍ନ ଉପାୟରେ ବାଙ୍ଗଲାଦେଶ ଏବଂ ପଶ୍ଚିମବଙ୍ଗରୁ ବେପାରୀଙ୍କ ମାଧ୍ୟମରେ ପହଞ୍ଚିଥାଏ ଧଳା ଜହର ।
ବାରମ୍ବାର ଧଳା ଜହର ବେପାରୀଙ୍କ ଉପରେ ଚଢ଼ାଉ କରାଯାଇ ବିପୁଳ ପରିମାଣରେ ଜବତ କରାଯାଇଥିଲାବେଳେ କେତେକ ବେପାରୀଙ୍କୁ ଗିରଫ ମଧ୍ୟ କରାଯାଇଛି । ତଥାପି ଜଳେଶ୍ୱରର ଧଳା ଜହର ବେପାର କମିବାର ନା ଧରୁନି । ଯାହା ପୁଣି ଭୁବନେଶ୍ୱରର ସ୍ୱତନ୍ତ୍ର ଏକ ଏସ ଟି ଏଫ ଟିମ ହାତରେ ଜଳେଶ୍ୱରର ଜଣେ ଧଳା ଜହର ବେପାରୀ ଗିରଫ ହେବା ସହ ପାଖା ପାଖି ଦେଢ଼ କିଲୋ ଧଳା ଜହର ଜବତ ହୋଇଛି । ଯାହାର ମୂଲ୍ୟ ପାଖାପାଖି ଦେଢ଼ କୋଟିରୁ ଉର୍ଦ୍ଧ୍ୱ ଟଙ୍କା ହେବ ବୋଲି ଜଣାପଡିଛି
