ବିବାହ ବେଳେ ଅଘଟଣ: ୧ ମୃତ, ୧୦ ଗୁରୁତର

ପାଟଣାଗଡ଼ (ବଡ଼ ଖବର ବ୍ୟୁରୋ): ବରଯାତ୍ରୀଙ୍କ ଉପରେ ମାଡ଼ିଗଲା ବର କାର୍ । ଜଣେ ମୃତ, ୧୦ ଗୁରୁତର । ବରଯାତ୍ରୀ ବେଳେ ଅଘଟଣ । ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ବାଘଝରଣ ଗାଁ ରୁ ବରଯାତ୍ରୀଙ୍କ ଉପରେ ବର କାର୍ ମାଡ଼ି ଯାଇଛି । ବାଘଝରଣ ଗାଁ ର ଦୁତିଆ ବରିହା ଙ୍କ ପୁଅ ହୁତାସନ ବରିହା ଙ୍କ କାଲି ବିବାହ ଥିଲା । ରାତି ୧୧ ଟା ସମୟ ରେ ହିର୍ଲି ଗାଁକୁ ବାହାରୁଥିବା ବେଳେ ଗାଁରେ ପ୍ରଥମେ ପ୍ରସେସନ ଚାଲିଥିଲା । ଏପରିକି ବର ହୁତାସନ ଗାଡିରେ ବସି ନଥିଲେ ।

ନିଜ ବନ୍ଧୁବାନ୍ଧବ , ସାଙ୍ଗସାଥି ବାହାଘର ଶୋଭାଯାତ୍ରା ରେ ମସଗୁଲ ଥିବା ବେଳେ ବର ପାଇଁ ସଜା ଯାଇଥିବା କାର ଦ୍ରୁତଗତିରେ ଚଢିଯାଇଥିଲା । ଡ୍ରାଇଭରର ଅସାବଧାନତା କାରଣରୁ ଏଭଳି ଘଟଣା ଘଟିଥିବା କୁହାଯାଉଥିବା ବେଳେ ଏଭଳି ଦୁଃଖଦ ଘଟଣାରେ ଜଣକର ଜୀବନ ଚାଲିଯାଇଛି । ୧୦ ଗୁରୁତରଙ୍କୁ ବଲାଙ୍ଗୀର ଭୀମଭୋଇ ବଡ ମେଡିକାଲ ସ୍ଥାନାନ୍ତରିତ କରାଯାଇଛି । ମୃତକଙ୍କ ହେଲେ ରାଜୁ ବରିହା । ସେପଟେ ଖପ୍ରାଖୋଲ ପୋଲିସ ଡ୍ରାଇଭର କୁ ଅଟକ ରଖି ତଦନ୍ତ ଆରମ୍ଭ କରିଛି ।