ଏଲଆଇସି ସହିଛି ୫୦ହଜାର କୋଟିର କ୍ଷତି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ହିଣ୍ଡେନବର୍ଗ ରିପୋର୍ଟ ପରେ କ୍ଷତି ଉପରେ କ୍ଷତି ସହୁଛି ଆଦାନୀ ଗ୍ରୁପ । ମାସକରେ ୧୨ ଲକ୍ଷ କୋଟିର କ୍ଷତି ସହିଲାଣି ଆଦାନୀର ୧୦ କମ୍ପାନୀ । ଆଦାନୀଗ୍ରୁପର ସେୟାର ମୂଲ୍ୟ ହ୍ରାସ ପାଉଥିବା ବେଳେ ୫୦ ଦିନ ମଧ୍ୟରେ ଏଲଆଇସି ୫୦ହଜାର କୋଟିରୁ ଅଧିକ ଟଙ୍କାର କ୍ଷତି ସହିଛି । ଗୌତମ ଆଦାନୀଙ୍କ କମ୍ପାନିରେ ଏଲଆଇସି ସର୍ବାଧିକ ବିନିଯୋଗ କରିଥିଲା ।
୨୦୨୨ ଡିସେମ୍ବର ୩୧ ସୁଦ୍ଧା ଏଲଆଇସି ଆଦାନୀ ଗ୍ରୁପରେ ୮୨,୯୭୦ କୋଟି ଟଙ୍କା ନିବେଶ କରିଥିଲା । ୫୦ ଦିନ ପରେ ଅର୍ଥାତ ୨୦୨୩ ଫେବୃଆରୀ ୨୩ ସୁଦ୍ଧା ମୂଳ ନିବେଶର କ୍ଷତିଘଟି ଏହା ୩୩,୨୪୨ କୋଟି ଟଙ୍କାରେ ପହଞ୍ଚିଛି । ଏହି ହିସାବ ଦେଖିଲେ ଏଲଆଇସିକୁ ଗତ ୫୦ ଦିନ ମଧ୍ୟରେ ୪୯,୭୨୮ କୋଟି ଟଙ୍କା କ୍ଷତି ସହିବାକୁ ପଡିଛି ।