ପାର୍ଲାମେଣ୍ଟ ବାହାରେ ସାରା ରାତି ବିରୋଧ ପ୍ରଦର୍ଶନ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଣିପୁର ତାତିକୁ ନେଇ ହୁଲୁସ୍ତୁଲ ହେଉଛି ଗୃହ । ସଂସଦଠୁ ବିଧାନସଭା ସବୁଠି ମଣିପୁର ତାତି । ବିରୋଧୀ କରୁଛନ୍ତି ହଙ୍ଗମା । ମଣିପୁରରେ ଜାରି ରହିଥିବା ହିଂସା ପ୍ରସଙ୍ଗରେ ପାର୍ଲାମେଣ୍ଟ ବାହାରେ ଓ ଭିତରେ ସରକାର ତଥା ବିରୋଧୀଙ୍କ ମଧ୍ୟରେ ତୁତୁମେମେ ଲାଗି ରହିଛି। ଏହାକୁ ନେଇ ଲଗାତାର ତୃତୀୟ ଦିନରେ ବି ଗୃହର କାର୍ଯ୍ୟ ସ୍ଥଗିତ ରହିଛି । ବିରୋଧୀ ମେଣ୍ଟ ‘ଇଣ୍ଡିଆ’ ବା ଇଣ୍ଡିଆନ ନାଶନାଲ ଡେପଲପମେଣ୍ଟ ଇନକ୍ଲସିଭ ଏଲାଏନ୍ସ ସୋମବାର ସାରା ରାତି ପାର୍ଲାମେଣ୍ଟ ପରିସରରେ ବିରୋଧ ପ୍ରଦର୍ଶନ ଜାରି ରଖିଛନ୍ତି।
ସୋମବାର ପାର୍ଲାମେଣ୍ଟରେ ମଣିପୁର ପ୍ରସଙ୍ଗରେ ଅନେକ ଅଘଟଣ ଘଟିଥିଲା, ଯେଉଁଠାରେ ଆମ ଆଦମୀ ପାର୍ଟି (ଆପ) ଏମପି ସଞ୍ଜୟ ସିଂଙ୍କୁ ବର୍ତ୍ତମାନର ଅଧିବେଶନ ପାଇଁ ନିଲମ୍ବିତ କରାଯାଇଥିବାବେଳେ ତ୍ରିନାଥ ଏମପି ଡେରେକ ଓ’ବ୍ରାଏନ ଏବଂ ଅଧ୍ୟକ୍ଷ ଜଗଦୀପ ଧନଖରଙ୍କୁ ନେଇ ତୀବ୍ର ଯୁକ୍ତି ଥିଲା।