ବଳଙ୍ଗା ଘଟଣାକୁ ନେଇ ସରକାରଙ୍କୁ ବିରୋଧୀଙ୍କ ଟାର୍ଗେଟ

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟ ନାରୀ ନିର୍ଯାତନା ବୃଦ୍ଧିକୁ ନେଇ ବିରୋଧୀ ଦଳ ସରକାରକୁ ଟାର୍ଗେଟ କରିଛନ୍ତି । ବାଲେଶ୍ୱର ଏଫଏମ୍ କଲେଜର ଛାତ୍ରୀ ଆତ୍ମହୁତୀକୁ ନେଇ ସାରା ରାଜ୍ୟ ଉଠୁଛି ପଡ଼ୁଛି । ଏହି ସମୟରେ ପୁଣି ଏକ ଘଟଣା ଘଟିଛି ଯାହାକୁ ନେଇ ବିରୋଧି ଦଳ ପ୍ରତିବାଦ କରିଛନ୍ତି । ପୁରୀ ଜିଲ୍ଲାର ବଳଙ୍ଗାରେ ଏକ ନାବାଳିକାଙ୍କୁ କିରୋସିନ ଢ଼ାଳି ନିଆ ଲଗାଇ ୩ ଦୁର୍ବୃତ୍ତ ପୋଡ଼ିବାକୁ ଉଦ୍ୟମ କରିଥିବା ଘଟଣା ସମ୍ନାକୁ ଆସିଛି । ଛାତ୍ରୀ ଜଣଙ୍କର ଶରୀରର ୭୫ ପ୍ରତିଶତ ପୋଡ଼ି ଯାଇଥିବା ବେଳେ ଗୁରୁତର ଅବସ୍ଥାରେ ଏମ୍ସରେ ଚିକିତ୍ସତ  ହେଉଛନ୍ତି ।

ପୂର୍ବରୁ ଏଫଏମ୍ କଲେଜ ଛାତ୍ରୀଙ୍କୁ ନ୍ୟାୟ ଦାବିରେ ବିରୋଧି ଦଳ ଓଡ଼ିଶା ବନ୍ଦ କରିଥିଲେ । ପୁଣି ଆଜି ଆଉ ଏକ ଘଟଣା ସାମ୍ନାକୁ ଆସିଛି ଯାହା ପାଇଁ ସରାକାରଙ୍କୁ ଟାର୍ଗେଟ କରିଛନ୍ତି ବିରୋଧି । ମହିଳା କଂଗ୍ରେସ ପକ୍ଷରୁ ଉପମୁଖ୍ୟମନ୍ତ୍ରୀଙ୍କ ବାସଭବନକୁ ଘେରାଉ କରିବା ସହ ବାସଭବନ ଉପରେ ଟମାଟୋ ମାଡ଼ କରିଛନ୍ତି । ଯାହା ଫଳରେ ପ୍ରଭାତୀ ପରିଡ଼ାଙ୍କ ବାସଭବନ ସାମ୍ନାରେ ଉତ୍ତେଜନା ସୃଷ୍ଟି ହୋଇଥିଲା । ଏହି ଘଟଣାକୁ ନେଇ କଂଗ୍ରେସ ଫ୍ୟାକ୍ଟ ଫାଇଣ୍ଡିଂ ଟିମ୍ ଗଠନ କରିଛି । ଏହି ଅନୁଧ୍ୟାନ କମିଟିକୁ ପିସିସି ସଭାପତି ଗଠନ କରିଛନ୍ତି । ଏହି କମିଟିରେ ୧୨ ଜଣ ସଦସ୍ୟ ରହିଛନ୍ତି । ଖୁବଶୀଘ୍ର ଘଟଣାସ୍ଥଳ ପରିଦର୍ଶନ କରି ପିସିସି ସଭାପତି ଭକ୍ତ ଦାସଙ୍କୁ ରିପୋର୍ଟ ଦେବ ଏହି ଟିମ୍ ।