ଜଲଦି ଲୋକଙ୍କ ପ୍ରସ୍ତାବ ସରକାରଙ୍କ ପାଖରେ ପହଁଚାଇବା ଆମର ଲକ୍ଷ୍ୟ: ରୁଦ୍ର ମହାରଥୀ

ଭୁବନେଶ୍ୱର  (ବଡ଼ ଖବର ବ୍ୟୁରୋ):  ‘ଆମ ଓଡ଼ିଶା ନବୀନ ଓଡ଼ିଶା’ କାର୍ଯ୍ୟକ୍ରମ ଯୋଜନା ମାଧ୍ୟମରେ ବହୁ ଉନ୍ନୟନମୂଳକ କାର୍ଯ୍ୟ ହୋଇପାରିବ । ପ୍ରତ୍ୟେକ ପଂଚାୟତକୁ ୫୦ ଲକ୍ଷ ଅନୁଦାନ ଆସୁଛି । ନିଶ୍ଚୟ ବହୁ ଉନ୍ନୟନମୂଳକ କାର୍ଯ୍ୟ ହୋଇପାରିବ ବୋଲି କହିଛନ୍ତି ବିଜେଡି ବିଧାୟକ ରୁଦ୍ର ମହାରଥୀ । ସେ କହିଛନ୍ତି ଗାଇଡ଼ ଲାଇନ ପରିବର୍ତ୍ତନ ଯୋଗୁଁ ମନ୍ଦିର, ମସଜିଦ, ଚର୍ଚ୍ଚକୁ ସାଂସଦ ଓ ବିଧାୟକଙ୍କ ପାଣ୍ଠି ଦେଇ ହେଉନଥିଲା । ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଜରିଆରେ ମନ୍ଦିର, ମସଜିଦ, ଚର୍ଚ୍ଚର ଉନ୍ନତି ହୋଇପାରିବ ।

ପଂଚାୟତରେ ଲୋକଙ୍କର ଥିବା ଦୀର୍ଘ ଦିନର ଦାବି ପୂରଣ ହୋଇପାରିବ । ବିଧାୟକ ପାଣ୍ଠି ବହୁତ କମ ଥାଏ । ତେଣୁ ଏହି ଯୋଜନା ମାଧ୍ୟମରେ ବହୁ କାମ ହୋଇଯିବ । ଏଥିରେ ରାଜନୀତି ନାହିଁ । କେବଳ ଗୋଟିଏ ଲକ୍ଷ୍ୟ ଉନ୍ନୟନମୂଳକ କାର୍ଯ୍ୟ । ଯେତେ ଜଲଦି ଲୋକଙ୍କ ପ୍ରସ୍ତାବ ସରକାରଙ୍କ ପାଖରେ ପହଁଚାଇବା ଆମର ଲକ୍ଷ୍ୟ ।