ଭୋପାଳ(ବଡ଼ ଖବର ବ୍ୟୁରୋ): ପବନରୁ ଅକ୍ସିଜେନ । ମଧ୍ୟପ୍ରଦେଶ ଆଗର ମାଲବା ଜିଲ୍ଲାର ଜଣେ ଡାକ୍ତର ତିଆରି କରିଛନ୍ତି ସ୍ୱତନ୍ତ୍ର ଧରଣର ମେସିନ ।ଯାହା ଦ୍ୱାରା ବାୟୁମଣ୍ଡଳରୁ ହିଁ ଅକ୍ସିଜେନ ନେଇ ରୋଗୀଙ୍କୁ ଯୋଗାଇ ହେବ । ଅନେକ ସ୍ଥାନରେ ଏବେ ଜଟିଳ ସ୍ଥିତିରେ ପହଞ୍ଚିଛି ଅକ୍ସିଜେନ ଅଭାବ । ଆଉ ଏହାର ମୁକାବିଲା କରିବା ପାଇଁ ନିଜ ଉଦ୍ୟମରେ ଏକ କମ୍ପ୍ରେସର ମେସିନ ବାହାର କରିଛନ୍ତି ଡାକ୍ତର ବଜ୍ରଭୂଷଣ ।
ଜରୁରିକାଳୀନ ପରିସ୍ଥିତିରେ ଏହି ମେସିନ ମାଧ୍ୟମରେ ରୋଗୀଙ୍କୁ ବାୟୁମଣ୍ଡଳରୁ ଅକ୍ସିଜେନ ଗ୍ରହଣ କରି ଯୋଗାଇ ହେବ । ଏହି ମେସିନକୁ ଦନ୍ତ ଚିକିତ୍ସା ବିଭାଗରେ ଥିବା ଏକ କମ୍ପ୍ରେସରକୁ ଆଣି ମୋଡିଫିକେସନ କରି ଏଭଳି ଏକ ଅକ୍ସିଜେନ ମେସିନ ତିଆରି କରିଛନ୍ତି । ତେବେ ଡାକ୍ତର ବଜ୍ରଭୂଷଣଙ୍କୁ ଏହି କମ୍ପ୍ରେସର ମେସିନକୁ ଅକ୍ସିଜେନ୍ ମେସିନରେ ପରିବର୍ତ୍ତନ କରିବାକୁ ୨୦ରୁ ୨୫ ହଜାର ଟଙ୍କା ଖର୍ଚ୍ଚ କରିବାକୁ ପଡ଼ିଛି । ଏହି କାର୍ଯ୍ୟରେ ତାଙ୍କୁ ଡାକ୍ତରଖାନାର ଅନ୍ୟ କର୍ମଚାରୀ ମାନେ ମଧ୍ୟ ସାହାଯ୍ୟ କରିଛନ୍ତି । ବଜ୍ରଭୂଷଣ କହିଛନ୍ତି ଏହି ମେସିନ ଦ୍ୱାରା କରୋନା ରୋଗୀଙ୍କୁ କିଛି ମାତ୍ରାରେ ଅମ୍ଳଜାନ ପ୍ରଦାନ କରିହେଉଛି ।
