ହାଫିଜ ଘର ଆଗରେ ହୋଇଥିବା ବିସ୍ଫୋରଣ ପାଇଁ ‘ର’କୁ ଦାୟୀ କଲା ପାକିସ୍ତାନ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଅନ୍ତର୍ଜାତୀୟ ଆତଙ୍କବାଦୀ ହାଫିଜ ସଇଦ ଘର ଆଗରେ ହୋିଥିବା କାର ବିସ୍ଫୋରଣ ପାଇଁ ପାକିସ୍ତାନ ଗୁଇନ୍ଦା ଏଜେନ୍ସି ‘ର’କୁ ଦାୟୀ କରିଛି । ଯାହାର ଜବାବ ରଖିଛି ଭାରତ । ଏହି ଦାବିକୁ ଖାରଜ କରିଛି ଭାରତ । ଭାରତ ପକ୍ଷରୁ କୁହାଯାଇଛି ଯେ, ପାକିସ୍ତାନ ଦେଇଥିବା ଯୁକ୍ତି ଭାରତକୁ ବଦନାମ କରିବାକୁ ହୋଇଥିବା ଏଜେଣ୍ଡାର ଅଂଶ ବିଶେଷ । ବୈଦେଶିକ ମନ୍ତ୍ରାଳୟର ମୁଖପାତ୍ର ଅରିନ୍ଦମ ବାଗଚୀ କହିଛନ୍ତି, ପାକିସ୍ତାନ ପ୍ରଥମେ ନିଜ ଘର ସଜାଡ଼ିବା ଆବଶ୍ୟକ । ଆତଙ୍କବାଦ ବିରୋଧରେ ଆବଶ୍ରକ ପ୍ରମାଣ ତଥ୍ୟ ନରଖି ପାକିସ୍ତାନ ବିସ୍ଫୋରଣ ପାଇଁ ‘ର’କୁ ଦାୟୀ କରୁଛି ।
ପ୍ରଥମେ ପାକିସ୍ତାନ ନିଜ ଘରେ ଥିବା ଆତଙ୍କବାଦ ବିରୋଧରେ କାର୍ଯ୍ୟାନୁଷ୍ଠାନ ନେଉ । ତେବେ ରବିବାର ପାକିସ୍ତାନର ଜାତୀୟ ସୁରକ୍ଷା ପରାମର୍ଶଦାତା ମୋଇଦ ୟୁସୁଫ ଅଭିଯୋଗ କରିଛନ୍ତି ଯେ ଲାହୋରରେ ହାଫିଜ ସଇଦ ଘର ବାହାରେ ବିସ୍ଫୋରଣ ପଛରେ ଭାରତ ରହିଛି। ହାଫିଜ ସଇଦ ୨୦୦୮ ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ତଥା ଜମାତ-ଉଦ-ଦାୱାର ମୁଖ୍ୟ। ଏହି ଆକ୍ରମଣରେ ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ୨୪ ଜଣ ଆହତ ହୋଇଥିଲେ।