ସୋରରେ ଅଶ୍ୱିନୀ ବୈଷ୍ଣବଙ୍କ ବିଶାଳ ରୋଡ ଶୋ’
ସୋର (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ସୋରରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ବାହାନଗା ସ୍କୁଲ ପଡିଆ ନିକଟରେ ପହଂଚି ସୋର ନିର୍ବାଚନମଣ୍ଡଳି ଏକ ବିଶାଳ ରୋଡ଼ ଶୋ’ କରିଥିଲେ। ଗତକାଲି ସନ୍ଧ୍ୟାରେ ଅଶ୍ୱିନୀ ବୈଷ୍ଣବ ଲୋକସଭା ପ୍ରାର୍ଥୀ ଅଭିମନ୍ୟୁ ସେଠୀ ଓ ସୋର ବିଧାୟକ ପ୍ରାର୍ଥୀ ପର୍ଶୁରାମ ଧଡ଼ାଙ୍କ ସହ ବାହାନଗା ସ୍କୁଲ ପଡିଆ ନିକଟରୁ ଏକ ବିଶାଳ ଶୋଭାଯାତ୍ରାରେ ବାହାରି ଗୋପାଳପୁର ଛକ, ଅଞ୍ଜି ଛକ, ଅନନ୍ତପୁର, ପାଖର ଛକ, କୋର୍ଟ ଛକ ଦେଇ ଅଡଙ୍ଗ ବଜାର ପରିକ୍ରମା କରି ଉତ୍ତରେଶ୍ୱର ନିକଟରେ ଶୋଭାଯାତ୍ରା ଶେଷ କରିବା କରିଥିଲୋ ଜୟ ଶ୍ରୀରାମ ନାରା ଲଗାଇ ଲୋକ ସଭା ପ୍ରାର୍ଥୀ ଅଭିମନ୍ୟୁ ସେଠୀ ଓ ବିଧାୟକ ପ୍ରାର୍ଥୀ ପର୍ଶୁରାମ ଧଡ଼ାଙ୍କୁ ପଦ୍ମ ଫୁଲ ଚିହ୍ନରେ ବିପୁଳ ପରିମାଣରେ ଭୋଟ ଦେଇ ଜୟଯୁକ୍ତ କରିବା ପାଇଁ ଲୋକଙ୍କୁ ନିବେଦନ କରିଥିଲେ।